ਇਹ ਸਫ਼ਾ ਪ੍ਰਮਾਣਿਤ ਹੈ
724
ਤੇਰੀ ਕੱਸੀ ਤੇ ਜ਼ਮੀਨ ਬਥੇਰੀ
ਪਾ ਦੇ ਬਾਪੂ ਨੱਥ ਮੱਛਲੀ
725
ਪੁੱਤ ਬਣ ਕੇ ਕਮਾਊਂ ਘਰ ਤੇਰੇ
ਮੇਰਾ ਹੱਕ ਦੇ ਦੇ ਬਾਬਲਾ
726
ਪੁੱਤ ਬਣ ਕੇ ਕਮਾਊਂ ਘਰ ਤੇਰੇ
ਰੱਖ ਲੈ ਕੁਆਰੀ ਬਾਬਲਾ
727
ਹੁੰਦੀਆਂ ਜਗਤ ਨਾਲ਼ ਆਈਆਂ
ਹੱਸ ਹੱਸ ਤੋਰ ਬਾਬਲਾ
728
ਬਾਪੂ ਤੇਰੀ ਜੂਹ ਲੰਘ ਕੇ
ਮੈਨੂੰ ਬੀਬੀ ਕਿਸੇ ਨੀ ਕਹਿਣਾ
729
ਦੰਮਾਂ ਦਾ ਕੀ ਲੋਭ ਤੱਕਿਆ
ਰਿੱਛ ਬੰਨ੍ਹਿਆਂ ਸਰਾਹਣੇ ਮੇਰੇ
730
ਉੱਖਲ਼ੀ ਭਰਾ ਲਈ ਬਾਬਲਾ
ਮੇਰੇ ਰੂਪ ਦੀ ਪਰਖ ਨਾ ਕੀਤੀ
731
ਉਖਲ਼ੀ ਭਰਾ ਲੀ ਬਾਬਲਾ
ਮੈਨੂੰ ਲੜ ਬੁਢੜੇ ਦੇ ਲਾਇਆ
732
ਸਾਡੀ ਗੁੱਤ ਦੇ ਪਰਾਂਦੇ ਨਾਲ਼ੋਂ ਛੋਟਾ
ਬਾਬਲ ਵਰ ਟੋਲਿਆ
733
ਬਾਪੂ ਵੇ ਮੈਂ ਤੂਤ ਦੀ ਛਟੀ
ਲੜ ਰੀਠੜੇ ਜਹੇ ਦੇ ਲਾਈ
734
ਮੁੰਡਾ ਰੋਹੀ ਦੀ ਕਿੱਕਰ ਤੋਂ ਕਾਲ਼ਾ
ਬਾਪੂ ਦੇ ਪਸੰਦ ਆ ਗਿਆ
104 :: ਗਾਉਂਦਾ ਪੰਜਾਬ