ਇਹ ਸਫ਼ਾ ਪ੍ਰਮਾਣਿਤ ਹੈ
ਦਿਲ ਦਾ ਮਹਿਰਮ
865
ਕੰਮ ਬਾਝ ਨੀ ਬਚੋਲਿਆਂ ਬਣਦਾ
ਘਰ ਭਾਮੇਂ ਹੋਵੇ ਲੱਖ ਦਾ
866
ਦੋ ਸਿਰ ਜੁੜਦਿਆਂ ਨੂੰ
ਚੰਦਰਾ ਮਾਰਦਾ ਭਾਨੀ
867
ਮਤਲਬ ਕੱਢ ਲੈਣ ਗੇ
ਮਿੱਠੀਆਂ ਜ਼ਬਾਨਾਂ ਵਾਲ਼ੇ
868
ਜ਼ੋਰ ਨਾ ਕੁੜੀ ਦਾ ਕੋਈ
ਰੋਂਦੀ ਨੂੰ ਤੋਰ ਦੇਣਗੇ
869
ਗੱਡੀ ਵਾਲ਼ਿਆ ਵੇ ਅੜਬ ਦਖਾਣਾ
ਕੁੜੀਆਂ ਨੂੰ ਮਿਲ਼ ਲੈਣ ਦੇ
870
ਗੱਡੀ ਤੋਰ ਵੇ ਦਖਾਣਾ ਦਿਆ ਮੁੰਡਿਆ
ਖਸਮਾਂ ਨੂੰ ਖਾਣ ਕੁੜੀਆਂ
871
ਚਾਓ ਮੁਕਲਾਵੇ ਦਾ
ਗੱਡੀ ਚੜ੍ਹਦੀ ਨੇ ਪਿੰਜਣੀ ਤੋੜੀ
872
ਬਣ ਬਣ ਨਿਕਲ ਸਰੀਰਾ
ਇਹ ਪਿੰਡ ਸਹੁਰਿਆਂ ਦਾ
873
ਗੱਡੀ ਵਿਚ ਨਾ ਪਰਾਹੁਣਿਆਂ ਛੇੜੀਂ
ਘਰ ਜਾ ਕੇ ਨੈਣ ਦਸਦੂ
118 :: ਗਾਉਂਦਾ ਪੰਜਾਬ