ਇਹ ਸਫ਼ਾ ਪ੍ਰਮਾਣਿਤ ਹੈ
984
ਵੇ ਮੈਂ ਲਗਦੀ ਔਤ ਦਿਆ ਚਾਚੀ
ਕਰਦੈ ਮਸ਼ਕਰੀਆਂ
985
ਚੀਰਾ ਬੰਨ੍ਹ ਕੇ ਸਾਹਮਣੇ ਬਹਿੰਦਾ
ਟੁੱਟ ਜਾਣੇ ਜੇਠ ਦਾ ਮੁੰਡਾ
986
ਛੜਾ ਜੇਠ ਟਿਚਰਾਂ ਕਰੇ
ਘੁੰਢ ਕੱਢ ਕੇ ਚਰ੍ਹੀ ਦਾ ਰੁੱਗ ਲਾਵਾਂ
987
ਛੜਾ ਜੇਠ ਨੀ ਸੁਹਾਗੇ ਹੇਠ ਆ ਗਿਆ
ਚੰਗਾ ਹੋਇਆ ਕੰਮ ਮੁੱਕਿਆ
988
ਜੇਠ ਕੋਲੋਂ ਕੁਤਰਾ ਕਰਾਵੇ
ਵਹੁਟੀ ਫ਼ੌਜੀ ਦੀ
989
ਛੜਾ ਜੇਠ ਕਰੇ ਕੁਤਰਾ
ਲਾਵੇ ਚੀਰਨੀ ਝਾਂਜਰਾਂ ਵਾਲ਼ੀ
990
ਟੁੱਟ ਪੈਣੀਏ ਚੰਦਰੀਏ ਰਾਤੇ
ਭਾਈ ਜੀ ਤੇ ਮੈਂ ਡਿਗਪੀ
991
ਰੋਟੀ ਲੈ ਕੇ ਦਿਓਰ ਦੀ ਚੱਲੀ
ਅੱਗੇ ਜੇਠ ਬੱਕਰਾ ਹਲ਼ ਵਾਹੇ
992
ਦੇਖੋ ਮੇਰੇ ਜੇਠ ਦੀ ਖੱਟੀ
ਮੂਹਰੇ ਕੁੱਤੀਆਂ ਮਗਰ ਕਤੂਰੇ
993
ਪੁਗਦੀ ਜਠਾਣੀ ਦੀ
ਮਨਾ ਕਾਹਨੂੰ ਚੱਲਿਏਂ ਮੁਕਲਾਵੇ
994
ਮੇਰਾ ਰੰਗ ਸੀ ਮੱਕੀ ਦੇ ਆਟੇ ਵਰਗਾ
ਡੁਲ੍ਹ ਗਿਆ ਜਠਾਣੀ ਤੇ
ਗਾਉਂਦਾ ਪੰਜਾਬ :: 131