ਇਹ ਸਫ਼ਾ ਪ੍ਰਮਾਣਿਤ ਹੈ
1197
ਲੱਲੂ ਬੱਗੂ ਦਾ ਸੋਗ ਨੀ ਕਰਨਾ
ਇਕ ਪਿੰਡ ਤਿੰਨ ਮਰ ਗੇ
1198
ਕਿਥੋਂ ਕੁੜਤੀ ਛਾਂਟ ਦੀ ਪਾਈ
ਦਸ ਖਾਂ ਭਰਾਵਾਂ ਪਿੱਟੀ
1199
ਕਿੱਥੇ ਕਟਿਆ ਦੁਪਹਿਰਾ ਵੀਰਾਂ ਪਿੱਟੀਏ
ਹਾਲੀਆਂ ਨੇ ਹਲ਼ ਥੰਮਤੇ
1200
ਬੀਬੀ ਪੜ੍ਹਦੀ ਗੁਰਾਂ ਦੀ ਬਾਣੀ
ਊੜਾ ਐੜਾ ਘਟ ਜਾਣਦੀ
1201
ਕਾਲੀ ਛਤਰੀ ਨਹਿਰ ਦੀ ਪਟੜੀ
ਬੰਗਲੇ 'ਚੋਂ ਮੇਮ ਨਿਕਲ਼ੀ
1202
ਲੰਬੀਆਂ ਨੇ ਕੰਧ ਲਿਪ ਲੀ
ਮਧਰੀ ਭਾਲਦੀ ਪੌੜੀ
1203
ਕੀਹਦੇ ਵੱਸੋਂਗੀ ਬਦਕਾਰੇ
ਨੌਕਰ ਤਿੰਨ ਕਰ ਲੇ
1204
ਕਵਾਰਾ ਰਹਿੰਦਾ ਚੰਗਾ
ਨਹੀਂ ਦੁੱਖ ਪੈਣਗੇ
1205
ਦਾਦਾ ਦੇ ਦੰਦਾਂ ਦੀ ਦਾਰੂ
ਦਾਦੀ ਦੇ ਦੰਦ ਦੁਖਦੇ
1206
ਹਿੱਕ ਸੜ ਕੇ ਖੰਘਰ ਅਜ ਹੋਈ
ਲੰਘ ਗਈ ਘੁੰਡ ਕੱਢ ਕੇ
1207
ਮੁੰਡਾ ਮੇਰਾ ਤੇ ਮੁੜੰਗਾ ਪੈਂਦਾ ਤੇਰਾ
ਵੇ ਡੰਡੀ ਡੰਡੀ ਜਾਣ ਵਾਲ਼ਿਆ
156:: ਗਾਉਂਦਾ ਪੰਜਾਬ