ਇਹ ਸਫ਼ਾ ਪ੍ਰਮਾਣਿਤ ਹੈ
1208
ਮੁੰਡਾ ਭੂਰੀਆਂ ਮੁੱਛਾਂ ਨੂੰ ਵੱਟ ਦੇਵੇ
ਵਿਚ ਖੜਾ ਮੋਰੀਆਂ ਦੇ
1209
ਜੇ ਤੂੰ ਹੋਵੇਂ ਪਿੰਡ ਦੀ ਕੁੜੀ
ਤੇਰੀ ਚਟਣੀ ਬਣਾ ਕੇ ਖਾਵਾਂ
1210
ਵੇ ਮੈਂ ਹੌਲਦਾਰ ਦੀ ਸਾਲ਼ੀ
ਕੈਦ ਕਰਾਦੂੰ ਗੀ
1211
ਗੌਰਮਿੰਟ ਕਨੂੰਨ ਨਵੇਂ ਬਣਾਏ
ਕੈਦ ਕਰਾਦੂੰ ਗੀ
1212
ਚੱਕੀ ਛੁੱਟ ਗੀ ਤਵੇ ਨੇ ਛੁਟ ਜਾਣਾ
ਰਾਜ ਹੋ ਗਿਆ ਤੀਮੀਆਂ ਦਾ
1213
ਵੇ ਮੈਂ ਪਤਲੀ ਚੱਕੀ ਦਾ ਪੁੜ ਭਾਰੀ
ਦਿਓਰਾ ਹੱਥ ਪਾਈਂ ਆਣ ਕੇ
1214
ਤੈਨੂੰ ਹੱਥ ਨਾ ਕਿਸੇ ਨੇ ਹੁਣ ਲਾਉਣਾ
ਆ ਗਿਆ ਖਰਾਸ ਚੱਕੀਏ
1215
ਆਟਾ ਪਿਸਦਾ ਖਰਾਸ ਉੱਤੇ ਚੱਜਦਾ
ਦਾਲਾਂ ਜੋਗੀ ਰਹਿ ਗੀ ਚੱਕੀਏ
1216
ਦਾਣੇ ਲਦ ਕੇ ਘਰਾਟ ਉੱਤੇ ਲੈ ਜਾ
ਚੱਕੀ ਤੋੜ ਕਰਾਂ ਡਕਰੇ
1217
ਸਾਡਾ ਖੌਂਸੜਾ ਚੱਕੀ ਨੂੰ ਹੱਥ ਲਾਵੇ
ਗੋਜਰੇ ਮਸ਼ੀਨ ਚਲਦੀ
1218
ਜੇ ਮੈਂ ਜਾਣਦੀ ਚੱਕੀ ਦਾ ਪੁੜ ਭਾਰੀ
ਨਿੱਕੀ ਹੁੰਦੀ ਡੰਡ ਕੱਢਦੀ
ਗਾਉਂਦਾ ਪੰਜਾਬ:: 157
