ਇਹ ਸਫ਼ਾ ਪ੍ਰਮਾਣਿਤ ਹੈ
1230
ਨੱਚ ਲੈ ਬਸੰਤ ਕੁਰੇ
ਨਿੱਤ ਨਿੱਤ ਨੀ ਭਾਣਜੇ ਵਿਆਹੁਣੇ
1231
ਜੀਜਾ ਵਾਰ ਕੇ ਦੁਆਨੀ ਖੋਟੀ
ਕੁੜੀਆਂ 'ਚ ਲਾਜ ਰੱਖ ਲੈ
1232
ਬਾਹਮਣੀ ਲਕੀਰ ਕਢ੍ਹਗੀ
ਮੇਲ਼ ਨੀ ਜੱਟਾਂ ਦੇ ਆਉਣਾ
1233
ਸੌਣ ਦਿਆ ਬੱਦਲਾ ਵੇ
ਮੁੜ ਮੁੜ ਹੋ ਜਾ ਢੇਰੀ
1234
ਚੰਦਰਾ ਗਵਾਂਢ ਨਾ ਹੋਵੇ
ਲਾਈ ਲੱਗ ਨਾ ਹੋਵੇ ਘਰ ਵਾਲਾ
1235
ਦੁੱਧ ਪੁੱਤ ਨਾ ਹੱਟਾਂ ਤੇ ਵਿਕਦੇ
ਇਜ਼ਤਾਂ ਦਾ ਮੁੱਲ ਕੋਈ ਨਾ
1236
ਪਾਣੀ ਵਿਕਦਾ ਨੰਦ ਕੁਰੇ ਤੇਰਾ
ਸਾਡਾ ਏਥੇ ਦੁੱਧ ਨਾ ਵਿਕੇ
1237
ਜੀਹਦੀ ਬਾਂਹ ਫੜੀਏ
ਸਿਰ ਦੇ ਨਾਲ਼ ਨਭਾਈਏ
1238
ਵਿਛੇ ਵਛਾਉਣੇ ਛੱਡ ਗੀ
ਨੀ ਮਾਂ ਦੀਏ ਮੋਰਨੀਏਂ
1239
ਖੱਟ ਤੇ ਲੱਗ ਜੂ ਪਤਾ
ਕੀ ਦੇਣਗੇ ਕੁੜੀ ਦੇ ਮਾਪੇ
1240
ਮੈਂ ਜਾਣਾ ਮੇਲੇ ਨੂੰ
ਬਾਪੂ ਜਾਊਂਗਾ ਬਣਾ ਕੇ ਟੋਲੀ
ਗਾਉਂਦਾ ਪੰਜਾਬ:: 159