ਇਹ ਸਫ਼ਾ ਪ੍ਰਮਾਣਿਤ ਹੈ
457
ਯਾਰ ਰੋਵੇ ਕਿੱਕਰਾਂ ਦੇ ਓਹਲੇ
ਗੱਡੀ ਵਿਚ ਮੈਂ ਰੋਵਾਂ
458
ਨੌਕਰ ਹੋਵੇ ਪਾਵਾਂ ਚਿੱਠੀਆਂ
ਸਾਧੂ ਹੋਏ ਦਾ ਕੀ ਲਾਜ ਬਣਾਵਾਂ
459
ਟੁੱਟਗੀ ਯਾਰੀ ਪੱਠੀਏ
ਮਨ ਮੁੜਿਆ ਹੈ ਦੀਂਹਦੀ ਨੀ
460
ਮੇਰੀ ਲੱਗਦੀ ਕਿਸੇ ਨਾ ਦੇਖੀ
ਟੁੱਟਦੀ ਨੂੰ ਜੱਗ ਜਾਣਦਾ
461
ਚਿੱਤ ਨਾ ਤੀਆਂ ਵਿਚ ਲੱਗਦਾ
ਯਾਰ ਬੀਮਾਰ ਪਿਆ
462
ਝੂਠੇ ਦਾਅਵੇ ਮਿੱਤਰਾਂ ਦੇ
ਲੈ ਜਾਣਗੇ ਜਿਨ੍ਹਾਂ ਨੇ ਦੰਮ ਖ਼ਰਚੇ
463
ਮੁੰਡਿਆ ਬਲੋਚਾਂ ਦਿਆ
ਤੇਰੇ ਢੋਲੇ ਰੜਕਦੇ ਹਿੱਕ ਤੇ
464
ਮੇਰੇ ਯਾਰ ਨੇ ਚੁਬਾਰਾ ਪਾਇਆ
ਚੜ੍ਹਦੀ ਦੇ ਪੱਟ ਫੁਲ ਗੇ
465
ਖੱਟੀ ਆਪਣੇ ਖਸਮ ਦੀ ਖਾਈਏ
ਯਾਰ ਦਾ ਨਾ ਘਰ ਪੱਟੀਏ
466
ਪੱਟੀ ਜਾਵੇਂਗੀ ਕਦੇ ਨੀ ਘਰ ਬਸਣਾ
ਦੋ ਦੋ ਯਾਰ ਰੱਖਦੀ
467
ਕੀੜੇ ਪੈਣਗੇ ਮਰੇਂਗੀ ਸੱਪ ਲੜ ਕੇ
ਮਿੱਤਰਾਂ ਨੂੰ ਦਗਾ ਦੇਣੀਏਂ
74:: ਗਾਉਂਦਾ ਪੰਜਾਬ