ਇਹ ਸਫ਼ਾ ਪ੍ਰਮਾਣਿਤ ਹੈ
597
ਚੂੜਾ
ਕਦੀ ਹਾਕ ਨਾ ਚੰਦਰੀਏ ਮਾਰੀ
ਚੂੜੇ ਵਾਲ਼ੀ ਬਾਂਹ ਕੱਢ ਕੇ
598
ਤੇਰੀ ਚੰਦਰੀ ਦੀ ਜ਼ਾਤ ਤਖਾਣੀ
ਚੂੜਾ ਪਾ ਕੇ ਸੱਕ ਹੂੰਝਦੀ
599
ਚੂੜੀਆਂ
ਤੇਰੀ ਜੇਬ 'ਚ ਖੜਕਦੇ ਪੈਸੇ
ਹੱਥਾਂ ਨੂੰ ਚੜ੍ਹਾ ਦੇ ਚੂੜੀਆਂ
600
ਨੈਣਾਂ ਦੇਵੀ ਤੋਂ ਚੂੜੀਆਂ ਲਿਆਏ
ਤੇਰੇ ਨਾਲ਼ੋਂ ਮਿੱਤਰ ਚੰਗੇ
601
ਤੇਰੇ ਚੂੜੀਆਂ ਪਸੰਦ ਨਾ ਆਈਆਂ
ਨੀ ਸਾਰਾ ਮੇਲਾ ਗਾਹ ਮਾਰਿਆ
602
ਅਸੀਂ ਕਲ੍ਹ ਮੁਕਲਾਵੇ ਜਾਣਾ
ਮਾਏਂ ਨੀ ਚੜ੍ਹਾ ਦੇ ਚੂੜੀਆਂ
603
ਮੁੰਡਾ ਭੰਨਦਾ ਕਿਰਕ ਨੀ ਕਰਦਾ
ਮੇਰੀਆਂ ਬਰੀਕ ਚੂੜੀਆਂ
604
ਚੰਦਰਾ ਸ਼ੁਕੀਨ ਬਣ ਗਿਆ
ਚੰਦਰਾ ਸ਼ੁਕੀਨ ਬਣ ਗਿਆ
ਪਾ ਕੇ ਰੇਬ ਪਜਾਮਾ
605
ਬੰਨ੍ਹ ਕੇ ਖੱਦਰ ਦਾ ਸਾਫਾ
ਚੰਦਰਾ ਸ਼ੁਕੀਨ ਬਣ ਗਿਆ
606
ਚਾਦਰਾ
ਵੈਲੀ ਪੁੱਤਾਂ ਦੇ ਚਾਦਰੇ ਧੂਹਣੇ
ਘਰਾਂ ਵਿਚ ਭੰਗ ਭੁੱਜਦੀ
88:: ਗਾਉਂਦਾ ਪੰਜਾਬ
