ਜਿਉਂ ਬਿੰਦੀ ਨਾਲ ਸੋਂਹਦੀ ਨਾਰ।
ਬਿੰਦੀ ਅੱਖਰਾਂ ਦਾ ਸ਼ਿੰਗਾਰ।
ਭਾਂਡੇ-ਟੀਂਡੇ ਚੌੰਕੇ ਬਿੰਦੀ।
ਨਾ ਉਂਘੇ ਨਾ ਹੌਂਕੇ ਬਿੰਦੀ।
ਦੂਰ ਢੌਂਗ ਤੋਂ ਮੀਲੋਂ ਚਾਰ।
ਬਿੰਦੀ ਅੱਖਰਾਂ...............
ਲੋਕਾਂ ਵਾਂਗ ਨਾ ਰੋਂਦੀ-ਧੋਂਦੀ।
ਰਹੇ ਹਮੇਸ਼ਾਂ ਗਾਉਂਦੀ-ਭਾਉਂਦੀ।
ਜਿੱਦਾਂ ਦੀ ਵੀ ਰਹੇ ਤਿਆਰ।
ਬਿੰਦੀ ਅੱਖਰਾਂ................
ਜਿਵੇਂ-ਤਿਵੇਂ ਇਹ ਸਭਨੂੰ ਸਾਂਭੇ।
ਭਾਂਗੇ-ਛਾਂਗੇ ਕਰਦੀ ਲਾਂਭੇ।
ਝਾਂਜਰ ਜਿਉਂ ਕਰਦੀ ਛਣਕਾਰ।
ਬਿੰਦੀ ਅੱਖਰਾਂ...............
ਮੀਂਹ ਪੈਂਦਾ ਤਾ ਪਾਣੀ ਪੀਂਦੀ।
ਨਹੀਂ ਤਾਂ ਕੁਸ਼ ਨਾ ਖਾਂਦੀ ਦੀਂਹਦੀ।
ਕੁੜੀਆਂ-ਚਿੜੀਆਂ ਵਾਂਗ ਉਡਾਰ।
ਬਿੰਦੀ ਅੱਖਰਾਂ................
