ਇਹ ਸਫ਼ਾ ਪ੍ਰਮਾਣਿਤ ਹੈ
ਅਵਾਰਾਗਰਦ ਚਿੰਟੂ
ਚਿੰਟੂ ਚੂਹਾ ਇਕ ਪਲ ਵੀ ਘਰ ਨਹੀਂ ਟਿਕਦਾ ਸੀ। ਉਹ ਸਾਰਾ ਦਿਨ ਗਲੀਆਂ ਵਿਚ ਘੁੰਮਦਾ ਰਹਿੰਦਾ ਸੀ। ਚਿੰਟੂ ਦਿਨੋਂ ਦਿਨ ਹੋਰ ਵਿਗੜਦਾ ਜਾ ਰਿਹਾ ਸੀ। ਚਿੰਟੂ ਆਪਣੇ ਪਿੰਡ ਦੇ ਦੋ-ਚਾਰ ਹੋਰ ਅਵਾਰਾਗਰਦਾਂ ਦੀ ਉਂਗਲ 'ਤੇ ਚੜ੍ਹ ਗਿਆ ਸੀ। ਉਹ ਅਵਾਰਾਗਰਦੀ ਕਰਨ ਪਿੰਡ ਤੋਂ ਬਾਹਰ ਸ਼ਹਿਰ ਵੀ ਜਾਣ ਲੱਗ ਪਿਆ ਸੀ। ਚਿੰਟੂ ਸਾਰਾ ਦਿਨ ਇਧਰ-ਉਧਰ ਘੁੰਮਦਾ ਰਹਿੰਦਾ ਤੇ ਹਨੇਰਾ ਹੋਏ ਘਰ ਵੜਦਾ। ਮਾਂ, ਚਿੰਟੂ ਦਾ ਰਾਹ ਵੇਖਦੀ ਰਹਿ ਜਾਂਦੀ ਸੀ। ਮਾਂ ਨੂੰ ਇਹੀ ਚਿੰਤਾ ਸਤਾਉਂਦੀ ਰਹਿੰਦੀ ਸੀ ਕਿ ਚਿੰਟੂ ਨੇ ਗਲੀਆਂ ਵਿੱਚ ਘੁੰਮਦੇ ਨੇ ਕਿਸੇ ਦਿਨ ਆਪਣੇ ਲਈ ਮੁਸੀਬਤ ਸਹੇੜ ਲੈਣੀ ਹੈ।
36/ਅੱਖਰਾਂ ਦੀ ਸੱਥ
