ਚਿੜੀ ਤੇ ਘੁੱਗੀ
ਚਿੜੀ ਤੇ ਘੁੱਗੀ ਇੱਕੋ ਦਰੱਖਤ ਉੱਪਰ ਰਹਿੰਦੀਆਂ ਸਨ। ਚਿੜੀ ਤੇ ਘੁੱਗੀ ਦਿਨ ਵਿਚ ਇਧਰ ਉਧਰ ਚੋਗਾ ਲੈਣ ਚਲੀਆਂ ਜਾਂਦੀਆਂ ਸਨ। ਸ਼ਾਮ ਨੂੰ ਉਹ ਆਪੋ-ਆਪਣੇ ਆਲ੍ਹਣੇ ਵਿਚ ਆ ਜਾਂਦੀਆਂ ਸਨ। ਇਕ ਦਿਨ ਘੁੱਗੀ ਘੁੰਮਦੀ ਫਿਰਦੀ ਚੋਗਾ ਲੈਣ ਲਈ ਇਕ ਬਗੀਚੇ ਵਿਚ ਚਲੀ ਗਈ। ਬਗੀਚੇ ਵਿਚ ਰੰਗ ਬਰੰਗੇ ਫੁੱਲ ਸਨ। ਘੁੱਗੀ ਰੰਗ ਬਰੰਗੇ ਫੁੱਲਾਂ ਨੂੰ ਵੇਖਕੇ ਬਹੁਤ ਖੁਸ਼ ਹੋਈ। ਫਿਰ ਘੁੱਗੀ ਰੋਜ਼ਾਨਾ ਬਗੀਚੇ ਵਿਚ ਜਾਣ ਲੱਗ ਪਈ।
ਘੁੱਗੀ ਸਾਰਾ ਦਿਨ ਰੰਗ ਬਰੰਗੇ ਫੁੱਲਾਂ ਵਿਚ ਹੀ ਰਹਿਣ ਲੱਗ ਪਈ। ਘੁੱਗੀ ਫੁੱਲਾਂ ਵਿਚ ਘੁੰਮ ਫਿਰ ਕੇ ਬਹੁਤ ਖੁਸ਼ ਹੁੰਦੀ। ਘੁੱਗੀ ਬਗੀਚੇ ਵਿਚੋਂ ਹੀ ਚੋਗਾ ਇਕੱਠਾ ਕਰਦੀ ਰਹਿੰਦੀ ਸੀ। ਘੁੱਗੀ ਨੂੰ ਬਗੀਚੇ ਵਿੱਚੋਂ ਚੋਗਾ ਸੌਖਾ ਨਹੀਂ ਮਿਲਦਾ ਸੀ। ਪਰ ਘੁੱਗੀ ਹੁਣ ਚੋਗੇ ਲਈ ਹੋਰ ਕਿਧਰੇ ਜਾਣਾ ਪਸੰਦ ਨਹੀਂ ਕਰਦੀ ਸੀ। ਘੁੱਗੀ ਸ਼ਾਮ ਨੂੰ ਵੀ ਕੁਝ ਦਿਨ ਹੀ ਚਿੜੀ ਕੋਲ ਆਪਣੇ ਆਲ੍ਹਣੇ ਵਿਚ ਗਈ। ਉਸਨੇ ਬਗੀਚੇ ਵਿਚ ਹੀ ਇਕ ਰੰਗ ਬਰੰਗੇ ਫੁੱਲਾਂ ਦੇ ਬੂਟੇ ਉੱਪਰ ਆਪਣਾ ਆਲ੍ਹਣਾ ਬਣਾ ਲਿਆ। ਉਸਨੇ ਆਪਣੀ ਸਹੇਲੀ ਚਿੜੀ ਨੂੰ ਵੀ ਬਗੀਚੇ ਵਿਚ ਆ ਜਾਣ ਲਈ ਆਖਿਆ।
54/ਅੱਖਰਾਂ ਦੀ ਸੱਥ
