ਪੰਨਾ:ਇਨਕਲਾਬ ਦੀ ਰਾਹ.pdf/82

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਰਲ ਮਿਲ, ਪੰਡਤ, ਮੁੱਲਾਂ, ਭਾਈ।

ਕਰ ਛਡਦੇ ਨੇ ਨੀਮ-ਸੁਦਾਈ ।

ਇਹਨਾਂ ਦਾ ਉਪਜਾਇਆ ਹੋਇਐ,

ਰਾਹ ਦਾ ਕੁਲ ਫਤੂਰ,

ਮੁਸਾਫ਼ਰ !

ਤੇਰੀ ਮਨਜ਼ਲ ਦੂਰ !


ਲਾ ਲਾ ਕੇ ਹੂਰਾਂ ਦੇ ਲਾਰੇ ।

ਕਈ ਭੋਲੇ ਭਟਕਾ ਕੇ ਮਾਰੇ ।

'ਮਾਨੁਸ਼ਤਾ’ ਨੂੰ ਉਹਲੇ ਕੀਤਾ,

ਰਾਹ ਵਿਚ ਰੱਖ ਕੇ 'ਤੂਰ',

ਮੁਸਾਫਰ !

ਤੇਰੀ ਮਨਜ਼ਲ ਦੂਰ !


ਮੁੱਲਾਂ ਤੇ ਮੁਸਕਾਂਦਾ ਲੰਘ ਜਾ ।

ਪੰਡਤਾਂ ਕਲੋਂ ਗਾਂਦਾ ਲੰਘ ਜਾ ।

ਇਹਨਾਂ ਦੀ ਘੂਰੀ ਵਲ ਨਾ ਤਕ,

ਰਹੁ ਆਸ਼ਾ-ਭਰਪੂਰ,

ਮੁਸਾਫਰ !

ਤੇਰੀ ਮਨਜ਼ਲ ਦੂਰ !

੭੬