ਪੰਨਾ:ਇਨਕਲਾਬ ਦੀ ਰਾਹ.pdf/84

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਇਹ ਬੂਟੀਆਂ ਹਰੀਆਂ ਹਰੀਆਂ ।

ਇਹ ਸ਼ੀਸ਼ੇ ਉਤਰੀਆਂ ਪਰੀਆਂ ।

ਅੱਖ ਵੇਖੇ, ਤੇ ਦਿਲ ਪੁੱਛੇ,

ਇਹ ਕੀਕਣ ਜੀਵਣ ਜਲ ਵਿਚ ?

ਨਿਤ ਹੁਸਨ ਲਵੇ ਅੰਗੜਾਈਆਂ,

ਕਸ਼ਮੀਰਾ !

ਤੇਰੇ ਡਲ ਵਿਚ ।


ਇਹ ਕੰਵਲ ਨਹੀਂ ਮਤਵਾਲੇ ।

ਮਸਤਾਂ ਹਥ ਸਖਣੇ ਪਿਆਲੇ ।

ਜਾਂ ਕੰਬਦੀਆਂ ਸੋਹਲ ਕਲਾਈਆਂ,

ਪੈਣਾ ਚਾਹਣ ਕਿਸੇ ਦੇ ਗਲ ਵਿਚ ।

ਨਿਤ ਹੁਸਨ ਲਵੇ ਅੰਗੜਾਈਆਂ,

ਕਸ਼ਮੀਰਾ !

ਤੇਰੇ ਡਲ ਵਿਚ ।


ਕਿਸੇ ਮਸਤੀ - ਵੰਡਦੇ ਸਾਕੀ,

ਇਕ ਫੂੂੰਹ ਨਹੀਂ ਰੱਖੀ ਬਾਕੀ,

ਕੁਝ ਪਈ ਕੰਵਲ ਦੇ ਪਿਆਲੇ,

ਕੁਝ ਛਲਕ ਕੇ ਪੈ ਗਈ ਡਲ ਵਿਚ ।

ਨਿਤ ਹੁਸਨ ਲਵੇ ਅੰਗੜਾਈਆਂ,

ਕਸ਼ਮੀਰਾ !

ਤੇਰੇ ਡਲ ਵਿਚ ।


੭੮