ਇਹ ਸਫ਼ਾ ਪ੍ਰਮਾਣਿਤ ਹੈ
ਲਾਲ : ਝਟ ਪਟ ਖਾਣੇ ਦਾ ਪਤਾ ਲਿਆਓ, ਜਾਓ ਇਕ ਆਦਮੀ (ਇਕ ਨੌਕਰ ਦੌੜ ਜਾਂਦਾ ਏ)। ਤੂੰ ਕੌਣ ਏਂ ਓਇ?
ਹੀਰਾ ਜੀ : ਇਕ ਬੰਦਾ ਸਰਕਾਰ।
ਲਾਲ : ਸਹੁਰਾ ਬੰਦੇ ਦਾ, ਤੂੰ ਕੰਮ ਕੀ ਕਰਨਾ ੲੈਂ? ਇਥੇ ਕਿਵੇਂ ਆਇਆ ਏਂ?
ਹੀਰਾ ਜੀ : ਜੇਹੋ ਜੇਹਾ ਦੀਹਨਾਂ, ਓਹੋ ਜੇਹੇ ਕੰਮ ਕਰਨਾ ਆਂ, ਜੇਹੜਾ ਮੇਰੇ ਤੇ ਇਤਬਾਰ ਰਖੇ ਮੈਂ ਉਸ ਦੀ ਦਿਲੋਂ ਸੇਵਾ ਕਰਨਾ ਆਂ। ਭਲਿਆਂ ਨਾਲ ਮਹੱਬਤ ਰਖਣੀ; ਸਿਆਣੇ ਤੇ ਥੋੜਾ ਬੋਲਣ ਵਾਲਿਆਂ ਨਾਲ ਗੱਲ ਕਰਨੀ, ਅਦਾਲਤ ਦਾ ਭੈ ਰਖਣਾ, ਆ ਬਣੀ ਤੋਂ ਲੜਨਾ ਤੇ ਵੇਲੇ ਦੀ ਹਕੂਮਤ ਦੀ ਵਫ਼ਾਦਾਰੀ ਕਰਨੀ ਮੇਰੇ ਕੰਮ ਨੇ।
ਲਾਲ : ਪਰ ਤੂੰ ਹੈਂ ਕੌਣ?
ਹੀਰਾ ਜੀ : ਮੈਂ ਇਕ ਡਾਢਾ ਖਰਾ ਬੰਦਾ, ਬਾਦਸ਼ਾਹ ਵਰਗਾ ਗਰੀਬ।
ਲਾਲ : ਠੀਕ ਏ, ਗਲ ਤਾਂ ਸਾਵੀਂ ਏ, ਤੇਰੀ ਰਿਆਇਆ ਕੋਈ ਨਹੀਂ, ਉਸਦਾ ਬਾਦਸ਼ਾਹ ਕੋਈ ਨਹੀਂ ਤੂੰ ਕੰਮ ਕੀ ਕਰਨਾ ਏਂ?
ਹੀਰਾ ਜੀ : ਨੌਕਰੀ।
ਲਾਲ : ਕਿਸਦੀ ਨੌਕਰੀ?
ਹੀਰਾ ਜੀ : ਤੁਹਾਡੀ।
੫੪.