ਇਹ ਸਫ਼ਾ ਪ੍ਰਮਾਣਿਤ ਹੈ
ਆਪ ਖਾਨੀ ਹੈਂ ਦੁੱਧ ਮਲੀਦਾ,
ਸ਼ਾਹਾਂ ਨੂੰ ਟੁੱਕਰ ਬੇਹਾ।
ਕਹੈ ਹੁਸੈਨ ਫ਼ਕੀਰ ਸਾਈਂ ਦਾ,
ਮਰ ਜਾਣਾ ਤੇ ਮਾਣਾ ਕੇਹਾ।
(22)
ਈਵੈ ਗਈ ਵਿਹਾਇ,
ਕੋਈ ਦਮ ਯਾਦੁ ਨ ਕੀਤਾ
ਰਹੀ ਵੁਣਾਇ ਤਣਾਇ,
ਕੋਈ ਗਜ਼ ਪਾੜ ਨਾ ਲੀਤਾ।
ਕੋਰਾ ਗਈ ਹੰਢਾਇ,
ਕੋਈ ਰੰਗਦਾਰ ਨਾ ਲੀਤਾ।
ਭਰਿਆ ਸਰੁ ਲੀਲਾਇ,
ਕੋਈ ਬੁਕ ਝੋਲ ਨ ਪੀਤਾ।
ਕਹੈ ਹੁਸੈਨ ਗਦਾਇ,
ਚਲਦਿਆਂ ਵਿਦਾ ਨਾ ਕੀਤਾ।
(23)
ਈਵੇਂ ਗੁਜ਼ਰੀ ਗਾਲੀ ਕਰਦਿਆਂ,
ਕੁਛ ਕੀਤੇ ਨਾਹੀਂ ਸਰਦਿਆਂ।
ਤੂੰ ਸੁਤੋਂ ਚਾਦਰਿ ਤਾਣਿ ਕੇ,
ਤੈਂ ਅਮਲਿ ਨ ਕੀਤਿਆ ਜਾਣਿ ਕੈ,
ਰੱਤ ਰੋਸੀਂ ਲੇਖਾ ਭਰਦਿਆਂ।
ਜਾਇ ਪੁਛੋ ਇਨ੍ਹਾਂ ਵਾਢੀਆਂ,
ਜਿਨ੍ਹਾਂ ਅੰਦਰ ਬਲਦੀ ਡਾਢੀਆਂ,
ਉਨ੍ਹਾਂ ਅਰਜ਼ ਨ ਕੀਤੀ ਡਰਦਿਆਂ।
20
