ਪੰਨਾ:ਕਾਫ਼ੀਆਂ ਸ਼ਾਹ ਹੁਸੈਨ - ਚਰਨ ਪਪਰਾਲਵੀ.pdf/43

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


(63)


ਗੋਇਲੜਾ ਦਿਨ ਚਾਰਿ ਕੁੜੈ,
ਸਈਆਂ ਖੇਡਣ ਆਈਆਂ ਨੀਂ।
ਭੋਲੀ ਮਾਉ ਨ ਖੇਡਣਿ ਦੇਈ,
ਹੰਝੂ ਦਰਦ ਰੁਆਈਆਂ ਨੀਂ।
ਚੰਦ ਕੇ ਚਾਂਦਨ ਸੋਈਆਂ ਖੇਡਣਿ,
ਗਾਫਲ ਤਿਮਰੁ ਰਹਾਈਆਂ ਨੀ।

ਸਾਹੁਰੜੇ ਘਰ ਅਲਬਤ ਜਾਣਾ,
ਜਾਣਨ ਸੇ ਸਭਰਾਈਆਂ ਨੀਂ।
ਕਹੈ ਹੁਸੈਨ ਫ਼ਕੀਰ ਨਿਮਾਣਾ,
ਜਿਨ੍ਹਾਂ ਚਾਈਆਂ ਸੋ ਤੋੜ ਨਿਬਾਹੀਆਂ ਨੀ।

(64)



ਘਰਿ ਸੋਹਣਿ ਸਹੀਆਂ ਏਤੜੀਆਂ।
ਚੌੜੀਆਂ-ਹਟਕੀਆਂ ਰਹਿਣ ਨ ਮੂਲੇ,
ਡੂੰਘੇ ਚਿਕੜ ਲੇਟੜੀਆਂ।
ਕਾਈਆਂ ਭੁੱਖੀਆਂ ਕਾਈ ਤਿਹਾਈ,
ਕਾਇ ਜਰੀਦੀਆਂ ਕਾਇ ਨਿੰਦਰਾਈ,
ਕਈਆਂ ਸਖੀਆਂ ਦੰਦ ਮਚਾਈ,
ਪੰਜਾਂ ਬੇੜੀ ਵਹਿਣ ਲੁੜ੍ਹਾਈ,
ਸਭ ਘਰਿ ਦੀਆਂ ਮੰਝ ਭੇਤੜੀਆਂ।

ਪੰਜੇ ਸਹੀਆਂ ਇੱਕੋ ਜੇਹੀਆਂ,
ਹੁਕਮ ਸੰਜੋਗ ਇਕੱਠੀਆਂ ਹੋਈਆਂ
ਜੋ ਪੰਜਾਂ ਨੂੰ ਧਾਗਾ ਪਾਏ,
ਸਾ ਸਭਰਾਈ ਕੰਤ ਰੀਝਾਏ,
ਕਹੈ ਹੁਸੈਨ ਬਿਸ਼ਰਮੀ ਸਈਆਂ,
ਆਇ ਪਵਨ ਅਚੇਤੜੀਆਂ।

(65)



ਘੜੀ ਇਕੁ ਦੇ ਮਿਜ਼ਮਾਨੁ ਮੁਸਾਫਰ,
ਪਈਆਂ ਤਾਂ ਰਹਿਣ ਸਰਾਈਂ।
ਕੋਟਾਂ ਦੇ ਸਿਕਦਾਰ ਸੁਣੀਂਦੇ,

41