ਇਹ ਸਫ਼ਾ ਪ੍ਰਮਾਣਿਤ ਹੈ
੨.
ਕਮਲਾ ਭਵਾਨੀ,
ਸੇਜ ਫੁੱਲਾਂ ਦੀ ਸਜਾਣ ਵਾਲੀ,
ਦੇਵੀ ਤੂੰ ਸੁਰਸਤੀ, ਵਾਕ ਵਿੱਦਿਆ ਵਧਾਣੀ, ਮਾਤਾ !
ਭੂਸ਼ਨਾਂ ਦੀ ਲੱਦੀ ਤੂੰ ਅਨੂਪ ਰੂਪ ਲੱਛਮੀ ਦਾ,
ਚੋਲਿਆਂ ਸ਼ਿੰਗਾਰੀ, ਉੱਚੇ ਪਰਬਤਾਂ ਦੀ ਰਾਣੀ, ਮਾਤਾ !
ਜਲਾਂ ਭਰੀ, ਥਲਾਂ ਭਰੀ, ਜੋਧਿਆਂ ਦੇ ਦਲਾਂ ਭਰੀ,
ਲਾਜ ਭਰੀ, ਤੇਜ ਭਰੀ, ਸ਼ੋਭਾ ਸ਼ਾਨ ਪਾਣੀ, ਮਾਤਾ !
ਬਾਰ ਬਾਰ ਨਮਸਕਾਰ ਭਾਰਤ ਭਵਾਨੀ ਤੈਨੂੰ,
ਹਰੀ ਭਰੀ, ਠੰਢੀ ਠਰੀ, ਬਰਕਤਾਂ ਵਸਾਣੀ, ਮਾਤਾ !
੩.
ਐਡੇ ਇਕਬਾਲ, ਬਲਕਾਰ, ਪਰਵਾਰ ਵਾਲੀ,
ਕਿੰਜ ਤੈਨੂੰ ਮੰਨੇ ਕੋਈ ਅਬਲਾ ਨਿਮਾਣੀ, ਮਾਤਾ !
ਵੈਰੀ ਦਲ ਚੀਰ ਚੀਰ ਸੁੱਟਣੀ ਤੂੰ ਬੀਰ ਕਾਲੀ,
ਤੂੰਹੇਂ ਮੇਰੀ ਲਾਜ, ਧਰਮ, ਵਿੱਦਿਆ ਬਚਾਣੀ, ਮਾਤਾ !
ਸੀਨੇ ਸਤਕਾਰ ਤੇਰਾ,
ਬਾਹੀਂ ਬਲਕਾਰ ਤੇਰਾ,
ਪ੍ਰਾਣਾਂ ਨੂੰ ਅਧਾਰ ਤੇਰਾ,
ਜੀਭੇ ਤੇਰੀ ਬਾਣੀ, ਮਾਤਾ !
ਜੱਸ ਹੋਵੇ ਮੰਦਰੀਂ ਤੇ ਗੜ੍ਹਾਂ ਤੇ ਨਿਸ਼ਾਨ ਝੁੱਲੇ,
ਦਸੇ ਹਥਿਆਰੀਂ ਸਜੀ ਹਿੰਦ ਰਾਜ ਰਾਣੀ, ਮਾਤਾ !
