ਇਹ ਸਫ਼ਾ ਪ੍ਰਮਾਣਿਤ ਹੈ
820
ਕਿਹੜੀ ਕੀਲੀ ਟੰਗਾਂ ਵੀਰਨਾ
ਤੇਰੀ ਸੋਨੇ ਦੀ ਜੰਜੀਰੀ ਵਾਲ਼ਾ ਕੁੜਤਾ
821
ਓਸ ਕੀਲੀ ਟੰਗੀਂ ਬੀਬੀਏ
ਜਿਥੇ ਸੁੰਬ੍ਹਰੀ ਗਰਦ ਨਾ ਜਾਵੇ
822
ਕਾਲ਼ੀ ਕਾਗੜੀ* ਬਨੇਰੇ ਉੱਤੇ ਬੋਲੇ
ਅੱਜ ਮੇਰੇ ਵੀਰ ਨੇ ਆਉਣਾ
823
ਸੱਸ ਚੰਦਰੀ ਕੁੰਡਾ ਨਾ ਖੋਹਲੇ
ਕੋਠੇ ਕੋਠੇ ਆ ਜਾ ਵੀਰਨਾ
824
ਕੌਲੇ ਖੜ ਕੇ ਸੁਣ ਲੈ ਵੀਰਨਾ
ਕੀ ਬੋਲਦੀ ਅੰਦਰ ਸੱਸ ਮੇਰੀ
825
ਚੁੱਪ ਕਰ ਨੀ ਅੰਮਾਂ ਦੀਏ ਜਾਈਏ
ਕਾਲ਼ੀ ਕੁੱਤੀ ਚੌਂਕ ਰਹੀ
826
ਮੇਰਾ ਵੀਰ ਪਰਾਹੁਣਾ ਆਇਆ
ਹੱਟੀਆਂ ਦੀ ਖੰਡ ਮੁੱਕ ਗੀ
827
ਸੱਸੇ ਤੇਰੀ ਮੱਝ ਮਰ ਜੈ
ਮੇਰੇ ਵੀਰ ਨੂੰ ਸੁੱਕੀ ਖੰਡ ਪਾਈ
828
ਕਿਹੜੇ ਦੁਖ ਤੋਂ ਫੜੀ ਦਿਲਗੀਰੀ
ਭਾਈਆਂ ਦੀ ਭੈਣ ਬਣ ਕੇ
829
ਰੁੱਖੀ ਮਿੱਸੀ ਖਾ ਲੈ ਵੀਰਨਾ
ਬੰਦੇ ਮਿੱਠੇ ਦਾ ਜ਼ਿਕਰ ਨੀ ਕਰਨਾ
- ਕਾਗੜੀਕਾਂ
ਗਾਉਂਦਾ ਪੰਜਾਬ :: 113
