ਇਹ ਸਫ਼ਾ ਪ੍ਰਮਾਣਿਤ ਹੈ
ਸੱਸ ਸੁਪੱਤੀ
924
ਆਪ ਸੱਸ ਮੰਜੇ ਲੇਟਦੀ
ਸਾਨੂੰ ਮਾਰਦੀ ਚੱਕੀ ਵਲ ਸੈਨਤਾਂ
925
ਜੇ ਮੈਂ ਜਾਣਦੀ ਸੱਸੇ ਨੀ ਚੱਜ ਤੇਰੇ
ਤੇਰੀ ਦਿਹਲੀ ਨਾ ਬੜਦੀ
926
ਮੇਰੇ ਸੱਸ ਨੇ ਮੱਕੀ ਦਾ ਟੁੱਕ ਮਾਰਿਆ
ਡੌਲ਼ੇ ਕੋਲ਼ੇ ਬਾਂਹ ਟੁੱਟ ਗੀ
927
ਅੱਗੋਂ ਸੱਸ ਬਘਿਆੜੀ ਟੱਕਰੀ
ਮਾਪਿਆਂ ਨੇ ਰੱਖੀ ਲਾਡਲੀ
928
ਸੱਸੇ ਦੁੱਧ ਨੂੰ ਜਾਗ ਨਾ ਲਾਈਂ
ਅਜ ਮੇਰੇ ਵੀਰ ਨੇ ਆਉਣਾ
929
ਸੱਸ ਮੇਰੀ ਐਸੀ ਬੁਰੀ
ਛੰਨਾ ਭਰਕੇ ਜਾਗ ਦਾ ਲਾਇਆ
930
ਸੱਸ ਮੇਰੀ ਚੰਦਰੀ ਜਹੀ
ਵੀਰ ਆਇਆ ਤੇ ਬੂਹਾ ਨਾ ਖੋਲ੍ਹੇ
931
ਮੇਰਾ ਵੀਰ ਪਰਾਹੁਣਾ ਆਇਆ
ਹੱਟੀਆਂ ਦੀ ਖੰਡ ਮੁਕਗੀ
932
ਮੇਰੀ ਸੱਸ ਦਾ ਭਤੀਜਾ ਆਇਆ
ਖੰਡ ਦੀਆਂ ਆਉਣ ਬੋਰੀਆਂ
124 :: ਗਾਉਂਦਾ ਪੰਜਾਬ
