ਇਹ ਸਫ਼ਾ ਪ੍ਰਮਾਣਿਤ ਹੈ
1307
ਅੱਜ ਰੋਣ ਪਿੱਪਲ ਦੇ ਡਾਹਣੇ
ਕੁੜੀਆਂ ਨੇ ਪੀਂਘ ਲਾਹ ਲਈ
1308
ਤੇਰੀ ਜੇਬ ਵਿਚ ਖੜਕਦੇ ਪੈਸੇ
ਹੱਥਾਂ ਨੂੰ ਕਰਾ ਦੇ ਚੂੜੀਆਂ
1309
ਕਪਾਹ ਵੇਚ ਕੇ ਕਰਾ ਦੂੰ ਡੰਡੀਆਂ
ਹੌਸਲਾ ਨਾ ਹਾਰੀਂ ਜੱਟੀਏ
1310
ਕੱਢਣਾ ਦਿੱਲੀ ਦਰਵਾਜ਼ਾ
ਪੱਚੀਆਂ ਦੀ ਲਿਆ ਦੇ ਲੋਗੜੀ
1311
ਅੱਗ ਲੱਗ ਜੇ ਕਰਾੜਾ ਤੇਰੀ ਹੱਟ ਨੂੰ
ਵਿਚੇ ਮੱਚੇ ਕਾਲ਼ੀ ਲੋਗੜੀ
1312
ਮੈਨੂੰ ਲੈ ਦੇ ਚੰਦਨ ਦਾ ਚਰਖਾ
ਕੱਤਦੀ ਦਾ ਚੂੜਾ ਛਣਕੇ
1313
ਮੁੰਡਾ ਜੱਟ ਦਾ ਚੰਦਨ ਦੀ ਗੇਲੀ
ਪਿੜਾਂ ਵਿਚ ਮੇਲ੍ਹਦਾ ਫਿਰੇ
1314
ਤੀਲੀ ਸਜੇ ਤਿੱਖੇ ਨੱਕ 'ਤੇ
ਚੂੜੀਆਂ ਗੋਰੀਆਂ ਬਾਹਾਂ ਦਾ ਗਹਿਣਾ
1315
ਘੁੰਡ ਵਿਚ ਅੱਗ ਮੱਚਦੀ
ਚੁੰਨੀ ਸਾੜ ਨਾ ਲਈਂ ਮੁਟਿਆਰੇ
1316
ਘੁੰਡ ਕੱਢਦੀ ਸ਼ੌਕ ਦੀ ਮਾਰੀ
ਝਾਕਾ ਦਿੰਦੀ ਛੜਿਆਂ ਨੂੰ
1317
ਜੁੱਤੀ ਲਗਦੀ ਹਾਣੀਆਂ ਮੇਰੇ
ਪੁੱਟ ਨਾ ਪੁਲਾਂਘਾਂ ਲੰਮੀਆਂ
166 :: ਗਾਉਂਦਾ ਪੰਜਾਬ