ਪੰਨਾ:ਗ੍ਰਹਿਸਤ ਦੀ ਬੇੜੀ.pdf/57

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ



ਪੋਥੀ ਦਾ ਪਹਿਲਾ ਸਫ਼ਾ ਪੜ੍ਹਨ ਨਾਲ ਹੀ ਤੁਹਾਡੇ ਸੁਭਾ ਉਤੇ ਗੰਦਾ ਜ਼ਹਰੀਲਾਂ ਅਸਰ ਹੋਣਾ ਸ਼ੁਰੂ ਹੋ ਜਾਵੇਗਾ ਅਤੇ ਯਾਦ ਰੱਖੋ ਕਿ ਤੁਸੀਂ ਭਾਂਡੇ ਨੂੰ ਤੋੜ ਕੇ ਫੇਰ ਜੋੜ ਤਾਂ ਸਕਦੇ ਹੋ ਪਰ ਓਸਦੀ ਤ੍ਰੇੜ ਤੇ ਜੋੜ ਨੂੰ ਕਦੇ ਵੀ ਮਿਟਾ ਨਹੀਂ ਸਕਦੇ। ਏਹ ਗੱਲ ਵੀ ਵੱਡੀ ਜ਼ਰੂਰੀ ਹੈ ਕਿ ਪਤੀ ਪਤਨੀ ਵੱਖੋ ਵੱਖ ਮੰਜਿਆਂ ਤੇ ਜੇ ਹੋ ਸਕੇ ਤਾਂ ਵੱਖੋ ਵੱਖ ਕਮਰਿਆਂ ਵਿੱਚ ਸੌਣ !

ਅਮਰੀਕਾ ਦੀ ਪ੍ਰਸਿੱਧ ਲਾਇਕ ਮੇਮ 'ਮਿਸਜ਼ ਡਫੀ' ਵੀ ਲਿਖਦੀ ਹੈ ਕਿ "ਜੇ ਪਤੀ ਆਪਣੇ ਮਨ ਉੱਤੇ ਜ਼ੋਰ ਨਾ ਰੱਖ ਸਕਦਾ ਹੋਵੇ ਤਾਂ ਪਤੀ ਪਤਨੀ ਨਾਂ ਕੇਵਲ ਏਹ ਕਿ ਵੱਖੋ ਵੱਖ ਮੰਜਿਆਂ ਤੇ ਹੀ ਸੌਣ ਸਗੋਂ ਵੱਖੋ ਵੱਖ ਕਮਰਿਆਂ ਵਿੱਚ ਅਤੇ ਜੇ ਦੋ ਕਮਰਿਆਂ ਦੇ ਵਿਚਕਾਰ ਬੂਹਾ ਹੋਵੇ ਤਾਂ ਉਸਨੂੰ ਜੰਦਰਾ ਮਾਰ ਕੇ ਉਸਦੀ ਕੁੰਜੀ ਪਤਨੀ ਦੇ ਹਵਾਲੇ ਕਰ ਦੇਣ ਚਾਹੀਦੀ ਹੈ ।"

ਸੰਜਮ ਨੂੰ ਪ੍ਰਾਪਤ ਕਰਨ ਵਾਸਤੇ ਵਰਜਿਸ਼ ਕਰਨੀ ਵੀ ਵੱਡੀ ਜ਼ਰੂਰੀ ਹੈ । ਡੰਬਲਾ ਨਾਲ ਯਾ ਬੁਗਦਰ ਨਾਲ ਵਰਜਿਸ਼ਾਂ ਕਰਨੀ, ਤੁਰਨਾ ਤੇ ਘੋੜੇ ਤੇ ਚੜ੍ਹਨਾ ਆਦਿਕ ਚੰਗੀਆਂ ਵਰਜ਼ਿਸ਼ਾਂ ਹਨ । ਜੋ ਆਦਮੀ ਅਰੋਗ ਰਹਿਣਾ ਚਾਹੁੰਦਾ ਹੈ ਓਸਨੂੰ ਯੋਗ ਹੈ ਕਿ ਵਰਜ਼ਿਸ਼ ਵਿੱਚ ਕਦੀ ਨਾਗਾ ਨਾ ਪਾਵੇ । ਏਹ ਮੁਫਤ ਦੀ ਦੌਲਤ, ਬਾਲ, ਜਵਾਨ ਤੇ ਬੁੱਢੇ, ਤੀਵੀਂ ਅਰ ਮਰਦ ਸਭ ਵਾਸਤੇ ਇੱਕੋ ਜੇਹੀ ਲਾਭਕਾਰੀ ਹੈ । ਵਰਜ਼ਿਸ਼ ਬੇਨਾਗਾ ਕਰਨੀ ਚਾਹੀਦੀ ਹੈ ਤੇ ਪਤੀਆਂ ਦਾ ਫਰਜ਼ ਹੈ ਕਿ ਪਤਨੀਆਂ ਨੂੰ ਵੀ ਮਜਬੂਰ ਕਰਕੇ ਉਹਨਾਂ ਪਾਸੋਂ ਵਰਜ਼ਸ਼ ਕਰਾਯਾ ਕਰਨ। ਸਰੀਰਕ ਅੰਗਾਂ ਨੂੰ ਜੇ ਵਰਤਿਆ ਜਾਵੇ ਤਾਂ ਵਧਦੇ ਹਨ ਤੇ ਜੇ ਨਾ ਵਰਤਿਆ ਜਾਵੇ ਤਾਂ ਘਟਦੇ

-੫੭-