ਇਹ ਸਫ਼ਾ ਪ੍ਰਮਾਣਿਤ ਹੈ
'ਬਿਨ-ਮੁਕਲਾਈ ਛੱਡ ਗਿਆ
ਤੇਰਾ ਲੱਗੇ ਨਾ ਲਾਮ ਵਿਚ ਨਾਵਾਂ।
... ... ...
'ਤਿੱਖੀ ਨੋਕ ਦੀ ਜੁੱਤੀ ਵੀ ਟੁੱਟ ਗਈ,
ਨਾਲੇ ਘਸ ਗਈਆਂ ਖੁਰੀਆਂ।
ਮਾਹੀ ਮੇਰਾ ਜੰਗ ਨੂੰ ਗਿਆ
ਮੇਰੇ ਵਜਣ ਕਾਲਜੇ ਛੁਰੀਆਂ।
.........
'ਦੁਆਬੇ ਦੀ ਇੱਕ ਵਿਛੜੀ-ਕੂੰਜ ਵਿਰਲਾਪਦੀ ਹੈ-
'ਦੁਆਬੇ' ਦੀ ਮੈਂ ਜੰਮੀ ਜਾਈ,
ਜੰਗਲ ਵਿਚ ਵਿਆਹੀ।
ਦੇਸ-ਵਿਛੁੰਨੀ ਕੂੰਜ ਮੈਂ ਭੈਣੋਂ!
ਜੰਗ ਨੂੰ ਗਿਆ ਮੇਰਾ ਮਾਹੀ।
ਹਰ ਦਮ ਨੀਰ ਵਗੇ ਨੈਣਾਂ ਚੋਂ,
ਔਣ ਦੀ ਚਿੱਠੀ ਨਾ ਪਾਈ।
ਮੁੜ ਪਉ ਸਿਪਾਹੀਆ ਵੇ-
ਮੈਂ ਜਿੰਦੜੀ ਘੋਲ ਘੁਮਾਈ।
.........
ਢੋਲ ਸਿਪਾਹੀ ਦਾ ਸਾਰਾ ਝੇੜਾ,
ਸੁਣ ਲੌ ਮਨ ਚਿੱਤ ਲਾ ਕੇ।
ਜਾਵੇ ਤਾਂ ਫੇਰ ਲਿਖੇ ਨਾ ਚੀਰੀ,
ਮਰ ਜਾਵਾਂ ਵਿਹੁ ਖਾ ਕੇ।
ਨਵਾਂ ਮਾਸਟਰ
੧੨੯.