੨੦੦
ਪੂਰਬ ਅਤੇ ਪੱਛਮ
ਖਾਂਦੇ ਭਰਾਵਾਂ ਨਾਲ ਵੰਡਣ ਲਈ ਘਟ ਹੀ ਤਿਆਰ ਹੁੰਦਾ ਹੈ ਅਤੇ ਨਾਂ ਹੀ ਮੇਹਨਤ ਮੁਸ਼ੱਕਤ ਕਰਨ ਵਾਲਾ ਭਰਾ ਵੇਹਲੜ ਭਰਾ ਨਾਲ ਆਪਣੀ ਕਮਾਈ ਦਾ ਹਿਸਾ ਵੰਡਾਉਣਾ ਚਾਹੁੰਦਾ ਹੈ। ਬਾਹਰਲੇ ਮੁਲਕਾਂ ਵਿਚ ਆਵਾਜਾਈ ਦੇ ਕਾਰਨ ਤੇ ਪੱਛਮੀ ਵਿਦਿਯਾ ਦੇ ਪ੍ਰਚਲਤ ਹੋਣ ਕਰਕੇ ਪੱਛਮੀ ਖਿਆਲਾਂ ਦਾ ਸਾਡੇ ਦੇਸ ਵਿਚ ਆਮ ਪ੍ਰਭਾਵ ਹੋ ਰਿਹਾ ਹੈ। ਇਸ ਲਈ ਹੌਲੀ ਹੌਲੀ ਹੁਣ ਰੁਖ਼ ਇਸ ਪਾਸੇ ਵਲ ਹੈ ਕਿ ਇਕੱਠੇ ਟੱਬਰਾਂ ਦੀ ਥਾਂ ਇਕਹਿਰੇ ਟੱਬਰ ਹੀ ਚੰਗੇ ਹਨ।
੩-ਸਮਾਜਕ ਸੰਪਰਦਾਵਾਂ
ਹਰ ਇਕ ਮੁਲਕ ਵਿਚ ਸੁਸਾਇਟੀ ਦੇ ਵਖੋ ਵਖ ਮੰਤਵਾਂ ਨੂੰ ਸਿੱਧ ਕਰਨ ਲਈ ਕਈ ਪ੍ਰਕਾਰ ਦੀਆਂ ਸੰਪਰਦਾਵਾਂ ਬਣੀਆਂ ਹੋਈਆਂ ਹਨ ਜੋ ਕਿ ਆਪੋ ਆਪਣੇ ਦਾਇਰਿਆਂ ਅੰਦਰ ਆਪਣਾ ਕੰਮ ਨਿਭਾਉਂਦੀਆਂ ਹੋਈਆਂ ਸਮਾਜ ਦੀ ਸੇਵਾ ਕਰਦੀਆਂ ਹਨ। ਇਥੇ ਅਸੀਂ ਅਜੇਹੀਆਂ ਸੰਪਰਦਾਵਾਂ ਸੰਬੰਧੀ ਵਿਸਥਾਰ ਪੂਰਬਕ ਵਿਚਾਰ ਨਹੀਂ ਕਰ ਸਕਦੇ, ਕਿਉਂਕਿ ਅਜੇਹਾ ਕਰਨ ਲਈ ਇਕ ਵਖਰੀ ਪੁਸਤਕ ਦੀ ਲੋੜ ਹੈ।
ਪੱਛਮੀ ਮੁਲਕਾਂ ਦੀ ਉੱਨਤੀ ਦਾ ਇਕ ਖਾਸ ਭੇਦ ਇਹ ਹੈ ਕਿ ਜ਼ਿੰਦਗੀ ਦੇ ਹਰ ਇਕ ਪਹਿਲੂ ਵਿਚ ਉਹ ਤ੍ਰੀਕੇ ਅਨੁਸਾਰ ਵਿਚਰਦੇ ਹਨ ਅਤੇ ਹਰ ਇਕ ਕੰਮ ਸਾਇੰਟਿਫਿਕ ਤ੍ਰੀਕੇ ਤੇ ਚਲਾਉਂਦੇ ਹਨ। ਜ਼ਿੰਦਗੀ ਦਾ ਕੋਈ ਪਾਸ
