ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਨਹੀਂ ਕੀਤੀ ਗਈ
(੩੦੯)
ਨਹੀਂ ਕਰ ਚੁੱਕੇ ਸਨ ਜੋ ਉਨ੍ਹਾਂ ਨੈ ਵੇਖਿਆ ਕਿ ਨੈਰਿਸਾ ਅਤੇ ਉਹਦਾ ਘਰ ਵਾਲਾ ਨੁੱਕਰ ਵਿੱਚ ਖੜੇ ਕਿਸੇ ਗੱਲ ਪੁਰ ਝਗੜਦੇ ਹਨ।
ਪੋਰਸ਼ੀਆ—ਹੈਂ ਇਹ ਝਗੜੇ ਦਾ ਕੇਹੜਾ ਵੇਲਾ ਹੈ, ਕੀ ਗੱਲ ਹੋਈ ਹੈ?
ਗ੍ਰੈਸਯੋਨੋ—ਕੁਝ ਬੀ ਨਹੀਂ ਇਕ ਨਿੱਕੀ ਜੇਹੀ ਮੁਲੱਮੇ ਦੀ ਮੁੰਦਰੀ ਲਈ ਜੋ ਨੈਰਿਸਾ ਨੇ ਟੁਰਣ ਵੇਲੇ ਮੈਨੂੰ ਦਿੱਤੀ ਸੀ ਅਤੇ ਜਿਸਦੇ ਉੱਪਰ ਉਸ ਦੋਹਰੇ ਵਾਗੂੰ ਜੋ ਬਾਹਲਾ ਲੁਹਾਰ ਆਪਣੇ ਚਾਕੂਆਂ ਉੱਪਰ ਦੇਂਦੇ ਹਨ ਇਹ ਗੱਲ ਉੱਕਰੀ ਹੋਈ ਸੀ—ਕਰ ਮੇਰੇ ਨਾਲ ਯਾਰ, ਮੈਨੂੰ ਨਾ ਵਿਸਾਰ॥
ਨੈਰਿਸਾ—ਭਾਵੇਂ ਉਹ ਦੋਹਿਰੇ ਦੇ ਅਰਥ ਯਾ ਮੁੰਦਰੀ ਦਾ ਮੂਲ ਕੁਝ ਹੋਵੇ ਪਰ ਜਦ ਮੈਂ ਮੁੰਦਰੀ ਤੁਹਾਨੂੰ ਦੇਣ ਲੱਗੀ ਸਾਂ ਤਾਂ ਤੁਸਾਂ ਸੌਂਹ ਖਾਧੀ ਸੀ ਕਿ ਮਰਦੇ ਦਮ ਤਕ ਏਹਨੂੰ ਹਿੱਕ ਨਾਲ ਲਾਈ ਰੱਖਾਂਗੇ, ੁਣ ਇਸ ਵੇਲੇ ਕਹਿੰਦੇ ਹੋ ਕਿ ਮੈਂ ਉਹੀਓ ਮੁੰਦਰੀ ਇੱਕ ਵਕੀਲ ਦੇ ਮੁਨਸ਼ੀ ਨੂੰ ਦੇ ਦਿੱਤੀ ਹੈ। ਮੈਂ ਵਿਚਲੀ ਗੱਲ ਸਮਝਦੀ ਹਾਂ ਕਿ ਉਹ ਜ਼ਰੂਰ ਕਿ ਤੀਮਤ ਨੂੰ ਭੇਟ ਕੀਤੀ ਹੈ।
