ਪੰਨਾ:ਬੁਝਦਾ ਦੀਵਾ.pdf/93

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ




ਨੇਕੀ ਦਾ ਬਦਲਾ


ਚੰਨੂ ਫਾਂਸੀ ਦੀ ਕਾਲ ਕੋਠੜੀ ਵਿਚ ਬੈਠਾ ਨਿਰਾਸਤਾ ਦੇ ਹੰਝੂ ਕੇਰ ਰਿਹਾ ਸੀ । ਮੌਤ ਦਾ ਭੂਤ ਉਹਦੀਆਂ ਅੱਖੀਆਂ ਸਾਮਣੇ ਦਿਨੇ ਰਾਤ ਨੱਚਦਾ ਰਹਿੰਦਾ ਸੀ। ਉਸ ਨੂੰ ਜੇ ਥੋੜੀ ਬਹੁਤ ਆਸ ਹੈ ਸੀ ਤਾਂ ਉਹ ਸਿਰਫ ਅਪੀਲ ਦੀ, ਜੋ ਓਹਨੇ ਹਾਈ ਕੋਰਟ ਵਿਚ ਕੀਤੀ ਹੋਈ ਸੀ ।

ਓਸ ਦੀ ਤੇਰਾਂ ਤਾਲਣੀ ਪਤਨੀ "ਸੁਰੇਸ਼" ਜੋ ਸਾਰੀ ਘਟਨਾ ਦੀ ਜ਼ਿੰਮੇਵਾਰ ਸੀ. ਓਸ ਦੀ ਸਫਲਤਾ ਵਾਸਤੇ ਦੌੜ ਭੱਜ ਤਾਂ ਬਥੇਰੀ ਕਰ ਰਹੀ ਸੀ, ਪਰ ਆਸ ਦੀ ਝਲਕ ਕਿਸੇ ਪਾਸਿਓਂ ਵੀ ਨਜ਼ਰ ਨਹੀਂ ਸੀ ਆਉਂਦੀ । ਆਪਣੇ ਮਾਲਿਕ ਦੀ ਰਿਹਾਈ ਵਾਸਤੇ ਓਹਨੂੰ ਕਿਥੇ ਕਿਥੇ ਜਾਣਾ ਪਿਆ ਤੇ ਉਸ ਨੇ ਇਸ ਕੰਮ ਵਿਚ ਕਿਸ ਕਿਸ ਪਾਸੋਂ ਤੇ ਕਿਸ ਕਿਸ ਢੰਗ ਨਾਲ ਸਹਾਇਤਾ ਲਈ, ਇਹ ਇਕ ਲੰਮੀ ਵਾਰਤਾ ਹੈ, ਜਿਸ ਨੂੰ ਛਡ ਕੇ ਮੈਂ ਏਸ ਕਹਾਣੀ ਨੂੰ ਆਰੰਭ ਕਰਦਾ ਹਾਂ ।

ਸੁਰੇਸ਼ ਅਪੀਲ ਲਈ ਨਸੀ ਪਈ ਫਿਰਦੀ ਸੀ ਕਿ ਇਕ ਦਿਨ ਅਚਾਨਕ ਹੀ ਉਸ ਨੂੰ ਇਕ ਗਰੀਬ, ਬੇ-ਸਹਾਰਾ ਤੇ ਦੁਨੀਆ ਦਾ ਸਤਾਇਆ ਹੋਇਆ ਨੌਜਵਾਨ ਕ੍ਰਿਪਾਲ ਮਿਲ ਪਿਆ ।

ਹੁਸ਼ਿਆਰ ਪਰ ਦੁਖੀ ਸੁਰੇਸ਼ ਨੇ ਕ੍ਰਿਪਾਲ ਨੂੰ ਹਮਦਰਦ ਜਾਣ ਕੇ ਆਪਣੀ ਰਾਮ ਕਹਾਣੀ ਪਹਿਲੀ ਮਿਲਨੀ ਵਿਚ ਹੀ ਸੁਣਾ ਦਿੱਤੀ। ਜਿਸ ਨੂੰ ਸੁਣ ਕੇ ਕ੍ਰਿਪਾਲ ਦੇ ਦਿਲ ਵਿਚ ਹਮਦਰਦੀ, ਲੋਕ-ਸੇਵਾ ਤੇ

ਨੇਕੀ ਦਾ ਬਦਲਾ
੯੫