ਇਹ ਸਫ਼ਾ ਪ੍ਰਮਾਣਿਤ ਹੈ
ਖੱਟੀ ਚੁੰਨੀ ਲੈ ਕੇ
ਮੈਂ ਧਾਰ ਚੋਣ ਗਈ ਸੀ
ਖੱਟੀ ਚੁੰਨੀ ਨੇ ਮੇਰਾ ਗਲ਼ ਘੁੱਟਤਾ
ਨੀ ਮੈਂ ਕੱਟੇ ਦੇ ਬਹਾਨੇ ਛੜਾ ਜੇਠ ਕੁੱਟਤਾ
ਵੇਖ ਰੰਨਾਂ ਵਾਲ਼ਿਆਂ ਨੂੰ ਰਹਿਣ ਝੂਰਦੇ
ਕੋਈ ਛੜੇ ਦੀ ਪੇਸ਼ ਨਾ ਜਾਵੇ
ਰੋਕੜ ਲੱਕ ਬੰਨ੍ਹ ਕੇ
ਛੜਾ ਤੀਵੀਆਂ ਖਰੀਦਣ ਜਾਵੇ
ਜੁੱਤੀਆਂ ਘਸਾ ਕੇ ਮੁੜਿਆ
ਕੋਈ ਛੜੇ ਨੂੰ ਤੀਵੀਂ ਨਾ ਥਿਆਵੇ
ਕੁੜੀਓ ਕਰਾ ਦਿਓ ਮੰਗਣਾ
ਕਿਤੇ ਉਮਰ ਮੁੱਕ ਨਾ ਜਾਵੇ
ਛੜੇ ਨੇ ਕਪਾਹ ਬੀਜ ਲੀ-
ਕੋਈ ਡਰਦੀ ਚੁਗਣ ਨਾ ਜਾਵੇ
ਮਿਰਚਾਂ ਚੁਰਚੁਰੀਆਂ
ਨਾਲ਼ੇ ਛੋਲਿਆਂ ਦੀ ਦਾਲ਼ ਕਰਾਰੀ
ਛੜੇ ਨੇ ਦਾਲ਼ ਹੋਰ ਮੰਗਲੀ
ਮੈਂ ਵੀ ਕੜਛੀ ਬੁੱਲ੍ਹਾਂ ਤੇ ਮਾਰੀ
ਛੜੇ ਦਾ ਨਾਲ਼ੇ ਬੁਲ੍ਹ ਸੁੱਜਿਆ
ਬਈ ਛੜੇ ਦਾ ਨਾਲ਼ੇ ਬੁਲ੍ਹ ਸੁੱਜਿਆ
ਨਾਲ਼ੇ ਦਾਲ਼ ਡੁਲ੍ਹ ਗਈ ਸਾਰੀ
ਕਾਹਨੂੰ ਛੇੜੀ ਸੀ-
ਨਾਗਾਂ ਦੀ ਪਟਿਆਰੀ
ਰੱਖਦਾ ਡਾਂਗ ਨਰੋਈ
ਖਾ ਕੇ ਗੇੜਾ ਕੱਲਰ ’ਚ ਬਹਿ ਗਿਆ
137 - ਬੋਲੀਆਂ ਦਾ ਪਾਵਾਂ ਬੰਗਲਾ
