ਪੰਨਾ:ਬੋਲੀਆਂ ਦਾ ਪਾਵਾਂ ਬੰਗਲਾ - ਸੁਖਦੇਵ ਮਾਦਪੁਰੀ.pdf/162

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


ਨੰਗੇ ਪੈਰੀਂ ਆਉਣਾ ਬੱਚੀਏ
ਮੇਰੀ ਬਹੁਤੀਆਂ ਧੀਆਂ ਨੇ ਮੱਤ ਮਾਰੀ

ਚਿੱਤ ਲੱਗੇ ਨਾ ਉਦਾਸਣ ਹੋਈ

ਵਿਚ ਤੇਰੇ ਮੰਦਰਾਂ ਦੇ

ਦੱਬ ਲੀ ਕਬੀਲਦਾਰੀ ਨੇ

ਮੇਰੀ ਗੁੱਡੀਆਂ ਨਾਲ਼ ਖੇਡਣ ਵਾਲ਼ੀ

ਬਾਪੂ ਤੇਰੇ ਮੰਦਰਾਂ 'ਚੋਂ

ਧੱਕੇ ਦੇਣ ਸਕੀਆਂ ਭਰਜਾਈਆਂ

ਬਾਪੂ ਤੇਰੇ ਮੰਦਰਾਂ ਚੋਂ

ਸਾਨੂੰ ਮੁਸ਼ਕ ਚੰਨਣ ਦਾ ਆਵੇ

ਉੱਚੀਆਂ ਕੰਧਾਂ ਨੀਵੇਂ ਆਲ਼ੇ

ਵਿਆਹ ਦੇ ਬਾਪੂ ਪੱਕੇ ਮੰਦਰੀ
ਸਾਨੂੰ ਲਿਪਣੇ ਨਾ ਪੈਣ ਬਨੇਰੇ

ਉੱਚੀਆਂ ਕੰਧਾਂ ਨੀਵੇਂ ਆਲ਼ੇ

ਵਿਆਹ ਦੇ ਬਾਪੂ ਕੱਛ ਵਾਲ਼ੇ ਨੂੰ
ਸਾਨੂੰ ਮਨਣੇ ਨਾ ਪੈਣ ਜਠੇਰੇ

ਘਰ ਧੀਏ ਤੇਰਾ ਚਿੱਤ ਨੀ ਲਗਦਾ

ਕੱਤਣ ਬਗਾਨੇ ਜਾਮੇਂ
ਖੱਬੀ ਢਾਕ ਤੇ ਚੁਕਲੇਂ ਚਰਖਾ
ਤੂੰ ਤੰਦ ਅਵੱਲੜੇ ਪਾਮੇ
ਰੁੱਸ ਕੇ ਬਹਿਜੇਂ ਨੀ-
ਜਦ ਲੈਣ ਪਰਾਹੁਣਾ ਆਵੇ

ਹਰ ਵੇ ਬਾਬਲਾ ਹਰ ਵੇ

ਮੇਰਾ ਮਾਝੇ ਸਾਕ ਨਾ ਕਰ ਵੇ

160 - ਬੋਲੀਆਂ ਦਾ ਪਾਵਾਂ ਬੰਗਲਾ