ਇਹ ਪੰਨਾ ਪ੍ਰਮਾਣਿਤ ਕੀਤਾ ਗਿਆ ਹੈ
ਕਰਦੀ ਬੇਨਤੀਆਂ-
ਆ ਵੀਰਾ ਘਰ ਮੇਰੇ
ਨਾਨਕਿਆਂ ਨੇ ਪਾਲੀ
ਨਾਨਾ ਨਾਨੀ ਕੁਝ ਨਹੀਂ ਕਹਿੰਦੇ
ਮਾਮੀ ਝਿੜਕਦੀ ਰਹਿੰਦੀ
ਵੀਰਾ ਲੈ ਚਲ ਵੇ
ਮੈਂ ਨਾ ਨਾਨਕੀਂ ਰਹਿੰਦੀ
ਛਤ ਵੇ ਛਤਾਉਨੀ ਆਂ
ਉੱਚਾ ਰਖਦੀ ਬਾਰ
ਭਾਬੋ ਆ ਬੜ ਨੀ
ਘੁੰਮਦੇ ਲਹਿੰਗੇ ਨਾਲ਼
ਵੀਰਾ ਆ ਬੜ ਵੇ
ਸਣੇ ਘੋੜੇ ਅਸਵਾਰ
ਮਗਰ ਵੀਰ ਦੇ ਰਾਣੀ
ਮਾਂ ਮੇਰੀ ਨੇ ਵਾਰ ਕੇ ਪੀਤਾ
ਜੋੜੀ ਉਤੋਂ ਪਾਣੀ
ਮੇਰਾ ਤਾਂ ਉਹ ਲਗਦਾ ਵੀਰਾ
ਪਰ ਅੰਮੜੀ ਦਾ ਜਾਇਆ
ਵਹੁਟੀ ਚੰਨ ਵਰਗੀ-
ਵੀਰ ਵਿਆਹ ਕੇ ਲਿਆਇਆ
ਵੀਰ ਵਿਆਹ ਕੇ ਲਿਆਇਆ
ਹੱਥੀਂ ਉਹਦੇ ਛਾਪਾਂ ਛੱਲੇ
ਮੱਥੇ ਟਿੱਕਾ ਲਾਇਆ
172 - ਬੋਲੀਆਂ ਦਾ ਪਾਵਾਂ ਬੰਗਲਾ
