ਇਹ ਸਫ਼ਾ ਪ੍ਰਮਾਣਿਤ ਹੈ
ਜੀਜਾ ਕਹਿੰਦਾ ਸੁਣ ਨੀ ਸਾਲ਼ੀ
ਤੇਰੇ ਪਿੱਛੇ ਮਰਦਾ
ਤੇਰੇ ਪਿੱਛੇ ਛੱਡਤਾ ਵੈਰਨੇ
ਕੰਮ ਧੰਦਾ ਸਭ ਘਰ ਦਾ
ਤੂੰ ਤਾਂ ਮੇਰੀ ਛੋਟੀ ਸਾਲ਼ੀ
ਵੇਖੇ ਬਾਝ ਨੀ ਸਰਦਾ
ਕੱਚੀਆਂ ਕੈਲਾਂ ਨੂੰ-
ਜੀਅ ਸਭਨਾ ਦਾ ਕਰਦਾ
ਇਹ ਕੀ ਮੈਨੂੰ ਕਹਿੰਦਾ
ਜਾਹ ਵਗ ਜਾ ਤੂੰ ਪਿੰਡ ਆਵਦੇ
ਹਿੱਕ ਕਾਸ ਨੂੰ ਦਹਿੰਦਾ
ਬੋਤਲ ਪੁੱਟ ਕੇ ਪੀਨੈਂ ਦਾਰੂ
ਰੋਜ਼ ਸ਼ਰਾਬੀ ਰਹਿੰਦਾ
ਨਾਰ ਬਗਾਨੀ ਦੇ-
ਬੋਲ ਮੂਰਖਾ ਸਹਿੰਦਾ
ਕੀ ਸਾਕ ਤੋਂ ਲੈਣਾ
ਹੁਣ ਤਾਂ ਤੈਨੂੰ ਜੀਜਾ ਕਹਿੰਦੀ
ਫੇਰ ਕਹੂੰ ਟੁੱਟ ਪੈਣਾ
ਇਹਨਾਂ ਸਾਕਾਂ ਤੋਂ -
ਤੂੰ ਕੀ ਜੀਜਾ ਲੈਣਾ
ਵੇ ਕੀ ਸਾਕ ਤੋਂ ਲੈਣਾ
ਪਹਿਲਾਂ ਸਾਲ਼ੀ ਸੂਟ ਭਾਲੂਗੀ
ਫੇਰ ਭਾਲੂਗੀ ਗਹਿਣਾ
ਝਿੜਕਿਆ ਸਾਲ਼ੀ ਦਾ-
ਕੁਝ ਨੀ ਬੇ ਸ਼ਰਮਾ ਰਹਿਣਾ
180 - ਬੋਲੀਆਂ ਦਾ ਪਾਵਾਂ ਬੰਗਲਾ
