ਇਹ ਸਫ਼ਾ ਪ੍ਰਮਾਣਿਤ ਹੈ
ਸਾਕ ਸਾਕ ਕਿਉਂ ਕਰਦਾ ਜੀਜਾ
ਕੀ ਵੇ ਸਾਕ ਤੋਂ ਲੈਣਾ
ਵੇ ਅੱਗੇ ਤਾਂ ਤੈਨੂੰ ਜੀਜਾ ਕਹਿੰਦੀ
ਅਗੇ ਤਾਂ ਤੈਨੂੰ ਜੀਜਾ ਕਹਿੰਦੀ
ਫੇਰ ਜੇਠ ਮੈਂ ਕਹਿਣਾ
ਸਾਕ ਲਿਜਾ ਕੇ ਵੇ-
ਆਹ ਬੂਥਾ ਨਹੀਂ ਰਹਿਣਾ
ਉੱਤੋਂ ਰੁੜ੍ਹ ਗਈ ਥਾਲ਼ੀ
ਜੀਜੇ ਮੂਰਖ ਨੇ
ਕਦੇ ਨਾ ਆਖਿਆ ਸਾਲ਼ੀ
ਦਰਜੀ ਕੋਲ਼ੋਂ ਸਿਵਾ ਕੇ
ਉੱਤੋਂ ਚੌੜੀ ਹੇਠਾਂ ਚੌੜੀ
ਲੱਕ ਕੋਲ਼ ਛਾਂਟ ਪਵਾ ਲੈ
ਕੁੜਤੀ ਜੀਜੇ ਦੀ-
ਰੀਝਾਂ ਨਾਲ਼ ਹੰਢਾ ਲੈ
ਗ਼ਮ ਨੇ ਪੀ ਲੀ
ਗ਼ਮ ਦੀ ਤੋਰ ਨਿਆਰੀ
ਗ਼ਮ ਹੱਡਾਂ ਨੂੰ ਇਉਂ ਲਗ ਜਾਂਦਾ
ਜਿਉਂ ਲੱਕੜੀ ਨੂੰ ਆਰੀ
ਕੋਠੇ ਚੜ੍ਹਕੇ ਵੇਖਣ ਲੱਗੀ
ਲੱਦੇ ਜਾਣ ਵਪਾਰੀ
ਉਤਰਨ ਲੱਗੀ ਦੇ ਵੱਜਿਆ ਕੰਡਾ
ਹੋ ਗਈ ਰੋਗਣ ਭਾਰੀ
ਚਲ ਦਿਓਰਾ ਮੇਰਾ ਲਾਜ ਕਰਾਦੇ
ਜਿੱਥੇ ਵਸਣ ਲਲਾਰੀ
ਵੇ ਪਹਿਲੇ ਡੋਬ ਮੇਰੀ ਕੁੜਤੀ ਡੋਬਤੀ
118 - ਬੋਲੀਆਂ ਦਾ ਪਾਵਾਂ ਬੰਗਲਾ
