ਪੰਨਾ:ਬੋਲੀਆਂ ਦਾ ਪਾਵਾਂ ਬੰਗਲਾ - ਸੁਖਦੇਵ ਮਾਦਪੁਰੀ.pdf/252

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ


ਭਾਬੀ ਭਾਬੀ ਕਰਦੈਂ ਮੁੰਡਿਆ
ਕੀ ਭਾਬੀ ਤੋਂ ਲੈਣਾ
ਵੇ ਪਹਿਲਾਂ ਭਾਬੀ ਸੂਟ ਮੰਗੂਗੀ
ਫੇਰ ਮੰਗੂਗੀ ਗਹਿਣਾ
ਵੇ ਝਿੜਕਿਆ ਭਾਬੀ ਦਾ-
ਕੁਝ ਨੀ ਬਸ਼ਰਮਾ ਰਹਿਣਾ

ਤੂੰ ਤਾਂ ਭਾਬੀ ਅੰਬ ਦਾ ਬੂਟਾ

ਮੈਂ ਕੇਲਾ ਬਣ ਜਾਵਾਂ
ਨੀ ਝੁਕ ਝੁਕ ਕੇ ਤੇਰੇ ਨਾਲ਼ ਜੁ ਲੱਗਜਾਂ
ਝੁਕ ਝੁਕ ਕੇ ਤੇਰੇ ਨਾਲ਼ ਜੁ ਲੱਗਜਾਂ
ਰਤਾ ਫਰਕ ਨਾ ਪਾਵਾਂ
ਤੇਰੇ ਖੇਡਣ ਨੂੰ-
ਸੋਨੇ ਦਾ ਮਿਰਗ ਲਿਆਵਾਂ

ਵਿਹੜੇ ਦੇ ਵਿਚ ਪਈਂ ਐਂ ਭਾਬੀਏ

ਹਰਾ ਮੂੰਗੀਆ ਤਾਣੀ
ਮੈਨੂੰ ਵੇਖ ਕੇ ਘੁੰਡ
ਕਢ ਲੈਂਦੀ
ਨਾ ਅੰਨ੍ਹੀ ਨਾ ਕਾਣੀ
ਕੰਤ ਤਾਂ ਤੇਰਾ ਖਰਾ ਨਿਆਣਾ
ਮੈਂ ਆਂ ਤੇਰਾ ਹਾਣੀ
ਮਰੂਏ ਦੇ ਬੂਟੇ ਨੂੰ-
ਛਿੜਕ ਭਾਬੀਏ ਪਾਣੀ

ਭਾਬੀ ਭਾਬੀ ਕਰਦਾਂ ਭਾਬੀਏ

ਕਦੇ ਨਾ ਹੱਸ ਕੇ ਬੋਲੀ
ਅੱਖਾਂ ਗਹਿਰੀਆਂ ਮੱਥੇ ਤਿਊੜੀ
ਘੁੰਡੀ ਦਿਲੋਂ ਨਾ ਖੋਹਲੀ

250 - ਬੋਲੀਆਂ ਦਾ ਪਾਵਾਂ ਬੰਗਲਾ