ਪੰਨਾ:ਬੋਲੀਆਂ ਦਾ ਪਾਵਾਂ ਬੰਗਲਾ - ਸੁਖਦੇਵ ਮਾਦਪੁਰੀ.pdf/330

ਧਰਤੀ ਜਾਗ ਪਈ

ਕਾਲੀਆਂ ਨੇ ਅੱਤ ਚੁੱਕ ਲੀ
ਸਾਰੇ ਪਿੰਡ ਦੇ ਸਰਾਧ ਬੰਦ ਕੀਤੇ

ਮੈਂ ਕਾਲਣ ਬਣ ਗਈ ਵੇ

ਤੇਰਿਆਂ ਦੁੱਖਾਂ ਦੀ ਮਾਰੀ

ਕੂਕੇ ਬੜੇ ਕਸੂਤੇ

ਪਾਣੀ ਨਾ ਪੀਂਦੇ ਬੋਕੇ ਦਾ

ਕੂਕੇ ਬੜੇ ਕਸੂਤੇ

ਗੜਵਾ ਨਾ ਦਿੰਦੇ ਨ੍ਹਾਉਣ ਨੂੰ

ਮੇਰੇ ਸਵਰਗਾਂ ਨੂੰ ਨਰਕ ਬਣਾਇਆ

ਫਿਰਕਾ ਪਰੱਸਤਾਂ ਨੇ

ਤੈਥੋਂ ਰੱਖਿਆ ਨਾ ਗਿਆ ਨਨਕਾਣਾ

ਡੁੱਬਦੀ ਹਿੰਦ ਰਖ ਲੀ

ਭਰਤੀ ਦੇ ਮਿੱਤਰਾ

ਫਸ ਗਿਆ ਯਾਰ ਪੁਰਾਣਾ

ਖਰਾ ਰੁਪਇਆ ਚਾਂਦੀ ਦਾ

ਰਾਜ ਮਹਾਤਮਾ ਗਾਂਧੀ ਦਾ

ਤੇਰੇ ਬੰਬਾਂ ਨੂੰ ਚੱਲਣ ਨੀ ਦੇਣਾ

ਗਾਂਧੀ ਦੇ ਚਰਖੇ ਨੇ

ਆਪ ਬਾਪੂ ਕੈਦ ਹੋ ਗਿਆ

ਸਾਨੂੰ ਦੇ ਗਿਆ ਖੱਦਰ ਦਾ ਬਾਣਾ

328 - ਬੋਲੀਆਂ ਦਾ ਪਾਵਾਂ ਬੰਗਲਾ