੯. ਭਰਿਆ ਕੀੜਿਆਂ, ਲਿਬੜਿਆ ਨਾਲ ਥੁੱਕਾਂ
ਬੇ ਦਾਰ, ਬੇਸ੍ਵਾਦ, ਬੇ ਮਾਸ, ਮਾੜਾ,
ਹੱਡ ਦੇਖ ਮਨੁੱਖ ਦਾ, ਲਲਚ ਕੁੱਤਾ,
ਨਾਲ ਸ੍ਵਾਦ ਖਾਂਦਾ ਚਿਥਦਾ ਹੇਠ ਦਾੜ੍ਹਾਂ।
ਕੋਲ ਆਨ ਖੜੋਵੇ ਜੇ ਇੰਦ੍ਰ ਇਸਦੇ
ਸ਼ਰਮ ਕਰੇ ਨਾ ਬੇ ਪਰਵਾਹ ਆੜਾ੧।
ਤਿਵੇਂ ਤੁੱਛਤਾ ਚੀਜ ਦੀ ਗਿਣੇ ਨਾਹੀਂ,
ਲੈਣ ਲੈਣ ਦਾ ਨੀਚ ਨੂੰ ਰਹੇ ਸਾੜਾ।
੧੦. ਪਹਿਲੋਂ ਸ੍ਵਰਗ ਤੋਂ ਗੰਗ ਜਦ ਹੇਠ ਢੱਠੀ,
ਉੱਚੇ ਸ਼ਿਵਾਂ ਦੇ ਸੀਸ ਵਿਚਕਾਰ ਆਈ।
ਏਥੋਂ ਢੱਠਕੇ ਉੱਚੇ ਪਹਾੜ ਡਿੱਗੀ,
ਪਰਬਤ ਉਪਰੋਂ ਡਿੱਗ ਮੈਦਾਨ ਜਾਈ।
ਢਹਿੰਦੀ ਹੇਠ ਹੀ ਹੇਠ ਨੂੰ ਗਈ ਏਥੋਂ,
ਨੀਵੀਂ ਨੀਵੀਂ ਹੋ ਗਈ ਸਮੁੰਦ ਤਾਈਂ
ਤ੍ਯੋਂ ਵਿਵੇਕ ਤੋਂ ਭ੍ਰਿਸ਼ਟ ਹੋ ਜਾਣ ਜੇੜ੍ਹੇ,
ਡਿਗਦੇ ਹੇਠ ਹੀ ਹੇਠ ਨੂੰ ਕਰਨ ਧਾਈ।
੧੧. ਪਾਣੀ ਨਾਲ ਹੈ ਅੱਗ ਸੰਭਾਲ ਹੁੰਦੀ
ਦਾਰੂ ਧੁੱਪ ਦਾ ਛੱਤਰੀ ਜਾਨ ਭਾਈ।
ਤ੍ਰਿਖਾ ਅੰਕੁਸ ਇਲਾਜ ਗਜ ਮਸਤ ਦਾ ਹੈ
ਖੋਤੇ ਬੈਲ ਨੂੰ ਡਾਂਗ ਹੀ ਰਾਸ ਆਈ
ਦੁਖ ਦੂਰ ਹੋਵੇ ਨਾਲ ਦਾਰੂਆਂ ਦੇ,
ਵਿਹੁ ਮੰਤਰਾਂ ਦੇ ਨਾਲ ਨੱਸਦਾ ਈ।
੧. ਟੇਢਾ, ਨੀਚ।੨. ਇਨਸਾਫ, ਨਿਆਂ, ਬੁੱਧੀ