[ਭੁੱਲੜ ਜੱਟ
(੧੪)
ਪੰਜਾਬੀ ਮੇਲੇ]
ਸਾਰੀਆਂ- ਹੈ!ਹੈ!!ਹੈ!ਹੈ!! ਚੋਬਰ ਵਾਧਾ।
ਬੁਢੀ - ਲੋਕੋ ਕਿਸਮਤ ਮੇਰੀ ਖੋਟੀ
ਮਰ ਗਿਆ ਪੁਤ ਉਮਰ ਹੀ ਛੋਟੀ
ਛੰਡ ਪਹਨਿਆ ਰੱਜ ਨਾ ਖਾਧਾ।
ਹੈ!ਹੈ!!ਹੈ!ਹੈ!! ਚੋਬਰ ਵਾਧਾ।
ਸਾਰੀਆਂ- ਹੈ। ਹੈ!! ਹੈ। ਹੈ!! ਚੋਬਰ ਵਾਧਾ।
ਬੁਢੀ - ਰੈਹ ਗਈ ਮਾਂ ਕਰਮਾਂ ਦੀ ਮਾਰੀ
ਦੂਜੀ ਬਹੂ, ਬਹੂ* ਮੁਟਯਾਰੀ
ਜਿਸਦਾ ਕੰਤ ਮੌਤ ਨੇ ਖਧਾ
ਹੈ!ਹੈ!!ਹੈ!ਹੈ!! ਚੋਬਰ ਵਾਧਾ।
ਸਾਰੀਆ- ਹੈ!ਹੈ!!ਹੈ!ਹੈ!! ਚੋਬਰ ਵਾਧਾ।
ਬੁਢੀ - ਨਾਲ ਬਹੂ ਦੇ ਮੈਨੂੰ ਲਿਆਇਆ
ਨਾਲੇ ਹੋਰ ਕਟੰਬ ਸਬਾਇਆ
ਜਾਂਦੀ ਵਾਰ ਨਾ ਪੁਛਿਆ ਪਾਧ।
ਸਾਰੀਆਂ- ਹੈ!ਹੈ!!ਹੈ!ਹੈ!! ਚੋਬਰ ਵਾਧਾ।
ਬੁਢੀ- ਮੁੜ ਕਰ ਫੇਰ ਕਦੀ ਨਾ ਔਣਾਂ
ਡੂੰਘੀ ਨੀਂਦਰ ਸਦ ਹੀ ਸੌਣਾਂ
ਢੂੰਡ ਫਿਰੀ ਮੈਂ ਕਿਤੇ ਨਾ ਲਾਧਾ
ਹੈ!ਹੈ!!ਹੈ!ਹੈ!! ਚੋਬਰ ਵਾਧਾ।
ਸਾਰੀਆਂ- ਹੈ!ਹੈ!!ਹੈ!ਹੈ!! ਚੋਬਰ ਵਾਧਾ।
ਬੁਢੀ- ਇਹ ਸੀ ਕਲਗੀਧਰ ਦਾ ਮੇਲਾ
ਲੁਚੇ ਪੌਂਦੇ ਆਣ ਝਮੇਲਾ।
ਜੇਹਾ ਬੀਜ ਤਿਹਾ ਫਲ! ਖਾਧਾ
ਹੈ ਹੈ!! ਹੈ!ਹੈ!! ਚੋਬਰ ਵਾਧਾ।
*ਬੈਠੂਗੀ
