ਪੰਨਾ:ਮਾਨ-ਸਰੋਵਰ.pdf/126

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ




ਮਜ਼ਦੂਰ ਕਿਸਾਨ

ਉਠ ਬੰਨ੍ਹ ਲੰਗੋਟਾ ਥਾਪੀ ਲਾ,
ਕਿਉਂ ਨੀਵੀਂ ਪਾਈਂ ਬੈਠਾ ਏਂ?
ਲ੍ਹਾ ਬੁਕਲ ਕੰਬਲ ਸੁੱਟ ਪਰ੍ਹਾਂ,
ਕਿਉਂ ਸ਼ਾਨ ਛੁਪਾਈ ਬੈਠਾ ਏਂ?

ਉਠ ਝਟਕਾ ਦੇਹ ਖਾਂ ਬਾਹਵਾਂ ਨੂੰ,
ਤੂੰ ਜ਼ੋਰ ਲਗਾ ਕੇ ਛਾਤੀ ਦਾ।
ਖਾੜੇ ਵਿਚ ਗੂੰਜਾਂ ਪਾ ਦੇ ਖਾਂ,
ਤੂੰ ਖੜਕਾ ਕਰਕੇ ਥਾਪੀ ਦਾ।

ਅੰਜਾਣ ਤੂੰ ਆਪਣੀ ਤਾਕਤ ਤੋਂ,
ਖੱਡਾਂ ਵਿਚ ਲੁਕਦਾ ਫਿਰਦਾ ਏਂ।
ਪਾ ਲੀਤੀ ਨੱਥ ਮਦਾਰੀ ਨੇ,
ਪੈਰਾਂ ਤੇ ਝੁਕਦਾ ਫਿਰਦਾ ਏਂ।

-੧੨੨-