ਇਹ ਵਰਕੇ ਦੀ ਤਸਦੀਕ ਕੀਤਾ ਹੈ
ਮੈਂ ਲੜਦੀਆਂ ਹੋਈਆਂ ਫ਼ੌਜਾਂ ਨੂੰ,
ਇਕ ਨੀਂਦਰ ਨਵੀਂ ਸੁਵਾ ਦੇਵਾਂ।
ਫਿਰ ਬੰਬਾਂ ਅਤੇ ਬਰੂਦਾਂ ਨੂੰ,
ਢੀਮਾਂ ਤੇ ਖ਼ਾਕ ਬਣਾ ਦੇਵਾਂ।
ਮੈਂ ਉਡਦੇ ਹੋਏ ਜਹਾਜ਼ਾਂ ਨੂੰ,
ਚਿੜੀਆਂ ਤੇ ਕਾਂ ਬਣਾਵਾਂ ਫਿਰ।
ਸਾਗਰ ਵਿਚ ਤਰਦੀ ਵਹਿਸ਼ਤ ਦਾ,
ਡੱਡੂਆਂ ਦਾ ਭੇਸ ਵਟਾਵਾਂ ਫਿਰ।
ਫਿਰ ਤੋਂਪਾਂ ਅਤੇ ਬੰਦੂਕਾਂ ਦੇ,
ਡੰਡੇ ਤੇ ਮੁਢ ਬਣਾਵਾਂ ਮੈਂ।
ਤਲਵਾਰਾਂ ਅਤੇ ਕਟਾਰਾਂ ਨੂੰ,
ਕਰ ਪੱਤੇ ਘਾ ਨੂੰ ਲਾਵਾਂ ਮੈਂ।
ਮੈਂ ਪਰਬਤ ਜੇਡਿਆਂ ਟੈਂਕਾਂ ਨੂੰ,
ਟਿਬੇ ਤੇ ਪੱਥਰ ਕਰ ਦੇਵਾਂ।
ਪੋਟਾਸ਼ ਗੰਧਕ ਦੀਆਂ ਕਾਨ੍ਹਾਂ ਨੂੰ,
ਮੈਂ ਘਾਸ ਫੂਸ ਨਾਲ ਭਰ ਦੇਵਾਂ।
ਮੁੜ ਬੰਦੇ ਖਾਣੀ ਸਾਇੰਸ ਲਈ,
ਸਾਗਰ ਵਿਚ ਟੋਏ ਪੁੱਟਾਂ ਮੈਂ।
ਇਸ ਵਹਸ਼ਿਤ ਜਾਈ ਸਭਿਤਾ ਨੂੰ,
ਕਰ ਖੰਭੜੀ ਖੰਭੜੀ ਸੁੁੱਟਾਂ ਮੈਂ।
ਹਾਏ ਜਿਸ ਨੇ ਬੰਦੇ ਬੰਦਿਆਂ ਜਿਹੇ,
ਬੰਦਿਆਂ ਦੇ ਵੈਰੀ ਕੀਤੇ ਨੇ।
-੧੬੮-
