ਇਹ ਪੰਨਾ ਪ੍ਰਮਾਣਿਤ ਕੀਤਾ ਗਿਆ ਹੈ
ਸੁੱਤੇ ਸ਼ੇਰ ਦੀ ਸ਼ਾਨ ਬਰਬਾਦ ਹੋ ਗਈ
ਕਲਗੀ ਵਾਲਿਆ ! ਪੀੜਾਂ ਕੀ ਪੁੱਛਦਾ ਏਂ,
ਦੌਲਤ ਸਦੀਆਂ ਦੀ ਸਾਡੀ ਬਰਬਾਦ ਹੋ ਗਈ।
ਉੱਚੀ ਧੌਣ ਅੱਜ ਅਗੇ ਨੂੰ ਝੁੱੱਕ ਗਈ ਏ,
ਰੱਤ ਅਣਖ ਦੀ ਫੋੜੇ ਦੀ ਰਾਦ੍ਹ ਹੋ ਗਈ ।
ਸਾਡੇ ਲਈ ਅਟਾਰੀ ਜੋ ਪਾਈ ਸੀ ਤੂੰ,
ਘੂਕ ਸੁਤਿਆਂ ਸਾਡੀ ਸਮਾਧ ਹੋ ਗਈ ।
ਜੀਹਦਾ ਕੰਮ ਹਕੂਮਤਾਂ ਕਰਨੀਆਂ ਸੀ,
ਉਹਦਾ ਕੰਮ ਅਜ ਨਿਰੀ ਫਰਿਆਦ ਹੋ ਗਈ ।
ਸੁੱਤਾ ਵੇਖ ਦੇ ਈ ਧਰਮੀ ਸ਼ਹਿਨਸ਼ਾਹ ਨੂੰ,
ਭੁਏ ਪਾਪ ਦੀ ਅਜ ਔਲਾਦ ਹੋ ਗਈ ।
ਚੰਨ ਤਾਰਿਆਂ ਸਾਰਿਆਂ ਰਲ ਕਿਹਾ,
ਸੁੱਤੇ ਸ਼ੇਰ ਦੀ ਸ਼ਾਨ ਬਰਬਾਦ ਹੋ ਗਈ ।
- ੬੫ -
