ਮੈਕਬਥ
(ਮੰਚ ਉੱਤੇ ਤਿੰਨ ਚੁੜੇਲਾਂ ਠਹਾਕੇ ਮਾਰਦੀਆਂ ਨ੍ਰਿਤ ਕਰਦੀਆਂ ਹਨ। ਥੱਲੜੇ ਪਾਸੇ ਜੰਗ ਦੇ ਦ੍ਰਿਸ਼ ਹਨ, ਯੋਧੇ ਥੱਕੇ-ਹਾਰੇ ਰਹਿੰਦੇ ਹਨ ਪਰ ਝੰਡੇ ਨਹੀਂ ਛੱਡਦੇ। ਚੁੜੇਲਾਂ ਇਕੱਲੀਆਂ ਘੁੰਮਦੀਆਂ ਹਨ!)
ਚੜੇਲ ੧ : ਭੈਣੋਂ ਨੀ ਮੈਨੂੰ ਦੱਸਦੀਆਂ ਜਾਓ ਕਦੋਂ ਮਿਲਾਂਗੀਆਂ ਫੇਰ,
ਵਿੱਚ ਤੂਫਾਨੀ ਬਿਜਲੀ ਕੜਕੇ ਜਾਂ ਮੋਹਲੇਧਾਰ ਵੇਹ
ਚੁੜੇਲ ੨ : ਮੁੱਕ ਜਾ ਸੀ ਸਭ ਹੱਲਾ-ਗੁੱਲਾ,
ਠੰਢਾ ਪੈ ਸੀ ਜੰਗ ਦਾ ਚੁੱਲਾ
ਚੁੜੇਲ ੩ : ਇੱਕ ਜਣਾ ਜਦ ਗਾਜੀ ਹੋ ਸੀ,
ਦੂਜਾ ਖਾਕ ਦਾ ਢੇਰ.....!
(ਹੱਸਦੀਆਂ ਹਨ)
ਚੁੜੇਲ ੨ : ਆਥਣ ਤੋਂ ਮੁੜ ਪਹਿਲਾਂ ਪਹਿਲਾਂ,
ਅਸੀਂ ਜੁੜਾਂਗੀਆ ਫੇਰ!
(ਹੱਸਦੀਆਂ ਹੋਈਆਂ ਜਾਂਦੀਆਂ ਹਨ)
ਚੁੜੇਲ ੧ : (ਪਿੱਛੋਂ 'ਵਾਜ਼ ਮਾਰਦੀ ਹੈ) ਪਤਾ ਠਿਕਾਣਾ ਤਾਂ ਦੱਸਦੀਆਂ ਜਾਓ ਸਿਰ
ਮੁੰਨੀਓ....!
(ਦੋਹੇਂ ਝਪਟ ਕੇ ਮੁੜਦੀਆਂ ਹਨ।)
ਚੁੜੇਲ ੩ : ਜੰਗ ਦਾ ਬਾੜਾ ਲੋਥਾਂ ਦੇ ਢੇਰ,
ਠੰਡ ਦੇ ਝੱਖੜ ਝੱਲਣ ਜਿੱਥੇ......
ਚੁੜੇਲ ੨ : ...ਬੀਆਬਾਨ ਹਨ੍ਹੇਰ! (ਰਮਜ਼ ਭਰੀ ਅਦਾ ਨਾਲ਼)
ਉੱਥੇ ਅਸੀਂ ਮੈਕਬਥ ਨੂੰ ਮਿਲਣਾ ..!
ਚੁੜੇਲ ੩ : ਤੂੰ ਵੀ ਆ ਜਾਈਂ..!
ਚੁੜੇਲ ੧ : ਕਾਲੀ ਬਿੱਲੀ ਮੈਨੂੰ 'ਵਾਜ਼ਾਂ ਮਾਰੇ,
ਭੂਰੀਆਂ ਅੱਖਾਂ ਕਰਨ ਇਸ਼ਾਰੇ!
ਚੜੇਲ ੩ : ਡੱਡੂਆਂ ਦੀਆਂ ਇਹ ਮਸਤ ਸਦਾਵਾਂ,
ਚੁੜੇਲ ੨ : ਵਾਰੇ ਨੀ ਮੈਂ ਸਦਕੇ ਜਾਵਾਂ,
ਨੱਸੀ ਨੀਂ ਮੈਂ ਦੌੜੀ ਆਵਾਂ!
9/ਮੈਕਬਥ