ਪੰਨਾ:ਯਾਦਾਂ.pdf/101

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ

ਯਾਦਾਂ

ਤੇਰੇ ਹਕ ਦੁਨੀਆਂ ਤੈਨੂੰ ਕਿਉਂ ਦੇਵੇ,
ਜੇ ਨਾ ਆਪ ਆਵੇ ਤੈਨੂੰ ਜਾਗ ਸਿਖਾ।
ਤੂੰ ਤਾਂ ਹਕ ਕਹਿਨੈਂ ਇਸ ਜੰਗ ਅੰਦਰ,
ਤਰਲੇ ਕੀਤਿਆਂ ਨਾ ਮਿਲਦਾ ਸਾਗ ਸਿਖਾ।
ਹਕ ਲੈਵਨੇ ਦੀ ਜਾਂ ਗਵਾਵਨੇ ਦੀ,
ਤੇਰੇ ਆਪਨੇ ਹਥ ਹੈ ਵਾਗ ਸਿਖਾ।
ਜੇਹੜੇ ਜਾਗਦੇ ਨੇ ਹੰਸ ਹੋ ਜਾਂਦੇ,
ਸੁਤੇ ਰਹਿਨ ਜੇਹੜੇ ਰਹਿੰਦੇ ਕਾਗ ਸਿਖਾ।
ਸੁਤੇ ਰਹਿਨ ਜੇਹੜੇ ਉਹ ਵੀ ਜਾਗਦੇ ਨੇ,
ਐਪਰ ਜਾਗਦੇ ਨੇ ਘਰ ਲੁਟਾ ਕੇ ਤੇ।
ਮਿਸਲ ਓਹਨਾਂ ਦੀ ਹੈ ਓਸ ਲਾਸ਼ ਵਾਂਗਰ,
ਜਿਸ ਨੂੰ ਮਿਲੀ ਬੇੜੀ ਪਰ ਡੁਬਾ ਕੇ ਤੇ।


੯੩.