ਪੰਨਾ:ਰਾਜਾ ਧਿਆਨ ਸਿੰਘ.pdf/147

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਪੁਤਰ ਦਿਤਾ ਤਾਂ ਰਾਜ ਦਾ ਸਹ ਵਾਰਸ ਉਹ ਹੋਵੇਗਾ, ਉਸ ਲਈ ਤੇ ਰਾਖਵਾਂ ਰਖਣ ਲਈ ਮੇਰੀ ਮਦਦ ਕਰੋ । ’’
ਸਰਦਾਰਾਂ ਨੇ ਇਹ ਹਾਲ ਮੰਨ ਕੇ ਮਹਾਰਾਣੀ ਦੀ ਸਹਾਇਤਾ ਕਰਨ ਦੀਆਂ ਕਸਮਾਂ ਖਾਧੀਆਂ ।
ਹੁਣ ਸੰਧਾਵਾਲੀਏ ਤੇ ਮਜੀਠੀਏ ਸ੍ਰਦਾਰ ਮਹਾਰਾਣੀ ਚੰਦ ਕੌਰ ਵਲ ਹੋ ਗਏ ਅਤੇ ਰਾਜਾ ਧਿਆਨ ਸਿੰਘ ਲਈ ਰਾਜਾ ਸ਼ੇਰ ਸਿੰਘ ਨੂੰ ਤਖਤ , ਪਰ ਬਿਠਾਉਣਾ ਮੁਸ਼ਕਲ ਹੋ ਗਿਆ, ਉਸਨੂੰ ਤੌਖਲਾ ਹੋਇਆ ਕਿ ਜ ਮਹਾਰਾਣੀ ਚੰਦ ਕੌਰ, ਸਫਲ ਹੋ ਗਈ ਤਾਂ ਡੋਗਰਿਆਂ ਦਾ ਡੇਰਾ ਡੰਡਾ ਦਾ ਲਾਹੌਰ ਵਿਚੋਂ ਚਕਿਆ ਜਾਵੇਗਾ ਪਰ ਉਹ ਕਿਹੜਾ ਕੱਚੀਆਂ ਗੋਲੀਆਂ ਖੇਡਿਆ ਹੋਇਆ ਸੀ । ਜਦ ਹੀ ਉਸਨੂੰ ਦੂਜਾ ਧੜਾ ਤਕੜਾ ਜਾਪਿਆ ਝਟ ਆਪਣੇ ਭਰਾ ਗੁਲਾਬ ਸਿੰਘ ਨੂੰ ਉਸ ਪਾਸ ਭੇਜ ਦਿਤਾ । ਤਾਕਿ ਭਾਵੇਂ ਕੋਈ ਭੀ ਜਿਤੇ ਡੋਗਰਿਆਂ ਦਾ ਹੱਥ ਉਤੇ ਰਹ । ਇਸ ਨੂੰ ਕਹਿੰਦੇ ਹਨ ਨੀਤੀ, ਰਾਜਾ ਧਿਆਨ ਸਿੰਘ ਪਰ ਭਾਵੇਂ ਹੋਰ ਹਜ਼ਾਰ ਦੁਸ਼ਣ ਲਾਏ ਜਾਣ ਪਰ ਉਸਦੀ ਸਿਆਣਪ ਦੀ ਜ਼ਰੂਰ ਦਾਦ ਦੇਣੀ ਪੈਂਦੀ ਏ ।
ਹੁਣ ਦੋਵੇਂ ਧੜੇ ਇਕ ਦੂਜੇ ਨਾਲ ਖਹਿਣ ਲਈ ਤਿਆਰ ਸਨ ਪਰ ਚੁੰਕਿ ਖਾਲਸਾ ਫੌਜ ਇਸ ਸਮੇਂ ਮਹਾਰਾਣੀ ਚੰਦ ਕੌਰ ਦੀ ਹਾਮੀ ਸੀ, ਇਸ ਲਈ ਸਿਆਣੇ ਧਿਆਨ ਸਿੰਘ ਨੇ ਇਸ ਸਮੇਂ ਰੌਲਾ ਪਾਉਣ ਦੀ ਲੋੜ ਨਹੀਂ ਸਮਝੀ ਗੁਲਾਬ ਸਿੰਘ ਵਿਚੋਲਾ ਬਣ ਕੇ ਸੁਲਹ ਦੀ ਗੱਲ ਬਾਤ ਕਰਾਉਣ ਲਗਾ। ਮਹਾਰਾਣੀ ਚੰਦ ਕੌਰ ਨੇ ਰਾਜਾ ਸ਼ੇਰ ਸਿੰਘ ਨੂੰ ਮਹੱਲ ਵਿਚ ਸੱਦਿਆ, ਇਸ ਮੌਕੇ ਪਰ ਰਾਜਾ ਗੁਲਾਬ ਸਿੰਘ

-੧੪੫-