ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਮਨਸ਼ਾ ਰਾਮ ਦੇ ਘਰ ਵਾਲੇ ਉਹਦੀ ਆਸ ਮੁਕਾਈ ਬੈਠੇ ਸਨ। ਕੋਈ ਉਹ ਦੀ ਖ਼ਬਰ ਸਾਰ ਲੈਣ ਆਉਂਦਾ ਤੇ ਉਹਨੂੰ ਬੁਲਾ ਕੇ ਦੇਖਦਾ ਤਾਂ ਉਹ ਬੱਸ ਅੱਖਾਂ ਦੀਆਂ ਪਲਕਾਂ ਹੀ ਹਿਲਾਉਂਦਾ, ਮੂੰਹੋਂ ਬੋਲ ਨਾ ਸਕਦਾ। ਕੋਲ ਬੈਠੇ ਗੱਲਾਂ ਕਰਨ ਵਾਲੇ ਇਹ ਚਰਚਾ ਵੀ ਕਰਦੇ-ਜਾਨ ਨਾਲੋਂ ਪਿਆਰੀ ਨੂੰ ਕੋਈ ਚੀਜ਼ ਮਨਸ਼ਾ ਰਾਮ ਨੇ ਭਲਾ ਬਈ ਕੀ ਲੈਣਾ ਸੀ ਉਨ੍ਹਾਂ ਵਿਰੁੱਧ ਬੋਲ ਕੇ? ਫੇਰ ਕੀ ਇਹ ਸਿਲਸਿਲਾ ਮੁੱਕਦਾ ਦੀਂਹਦੈ ਕਿਤੇ।
ਤੇ ਫੇਰ ਦੋ ਬੰਦੇ ਆਏ। ਗੱਲਾਂ-ਗੱਲਾਂ ਵਿੱਚ ਪਹਿਲਾਂ ਬੈਠੇ ਬੰਦਿਆਂ ਨਾਲ ਉਨ੍ਹਾਂ ਨੇ ਗੱਲ ਸਾਂਝੀ ਕੀਤੀ-ਹਿੰਦੂ ਕਾਹਨੂੰ ਜੀ, ਇਹ ਤਾਂ ਕਾਮਰੇਡ ਹੋਣ ਕਰਕੇ ਕੀਤੀ ਐ ਉਨ੍ਹਾਂ ਨੇ ਇਹ ਵਾਰਦਾਤ।'
'ਕਾਮਰੇਡ' ਦਾ ਸ਼ਬਦ ਸੁਣਦੇ ਹੀ ਮਨਸ਼ਾ ਰਾਮ ਦਾ ਸਿਰ ਲੁੜ੍ਹਕ ਗਿਆ। ਜਨਰਲ ਵਾਰਡ ਵਿੱਚ ਭੱਜ-ਨੱਠ ਸ਼ੁਰੂ ਹੋ ਗਈ। ਬੈੱਡ ਕੋਲ ਆ ਕੇ ਇੱਕ ਨਰਸ ਨੇ ਗੁਲੂਕੋਜ਼ ਦੀ ਸੁਈ ਪੁੱਟ ਦਿੱਤੀ।
154
ਰਾਮ ਸਰੂਪ ਅਣਖੀ ਦੀਆਂ ਸਾਰੀਆਂ ਕਹਾਣੀਆਂ
