ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਚੋਰੀ ਤੋਂ ਦੂਜੇ ਜਾਂ ਸ਼ਾਇਦ ਤੀਜੇ ਦਿਨ ਹੀ ਉਸ ਨੇ ਆਪਣੀ ਘੋੜੀ ਫੱਤੂ ਘੁਮਿਆਰ ਨੂੰ ਨੱਬੇ ਰੁਪਿਆਂ ਦੀ ਵੇਚ ਦਿੱਤੀ। ਆਪ ਉਹ ਆਪਣੀ ਭਾਣਜੀ ਦੇ ਘਰ ਚਲਿਆ ਗਿਆ, ਉੱਥੇ ਹੀ ਰਹਿਣ ਲੱਗਿਆ। ਕੰਮ ਨਾ ਉਸ ਤੋਂ ਹੁਣ ਕੋਈ ਹੁੰਦਾ ਸੀ ਤੇ ਨਾ ਹੀ ਕਰਨਾ ਚਾਹੁੰਦਾ ਸੀ। ਭਾਣਜ-ਜਵਾਈ ਪਿੰਡ ਵਿੱਚ ਹੀ ਬਜਾਜੀ ਦੀ ਦੁਕਾਨ ਕਰਦਾ ਸੀ, ਬਿਰਜੂ ਦੁਕਾਨ 'ਤੇ ਹੀ ਸਾਰਾ ਦਿਨ ਬੈਠਾ ਰਹਿੰਦਾ। ਹੁੱਕਾ ਪੀਂਦਾ ਰਹਿੰਦਾ। ਸਾਲ ਕੁ ਭਰ ਕੱਟਿਆ ਤੇ ਫਿਰ ਉੱਥੇ ਹੀ ਮਰ ਗਿਆ। ਮੋਮੀ ਕਾਗਜ਼ ਵਿੱਚ ਵਲ੍ਹੇਟੇ ਹੋਏ ਨੱਥੇ ਰੁਪਏ ਉਸ ਦੇ ਕੁੜਤੇ ਦੀ ਅੰਦਰਲੀ ਜੇਬ ਵਿਚੋਂ ਨਿਕਲੇ। ਕੁੜਤਾ ਜਿਹੜਾ ਮੁੜਕੇ ਤੇ ਮੈਲ ਨਾਲ ਚੰਮ ਬਣ ਕੇ ਉਸ ਦੇ ਪਿੰਡੇ ਨਾਲ ਚਿਪਕਿਆ ਹੋਇਆ ਸੀ।
202
ਰਾਮ ਸਰੂਪ ਅਣਖੀ ਦੀਆਂ ਸਾਰੀਆਂ ਕਹਾਣੀਆਂ
