ਪੰਨਾ:ਲਹਿੰਦੀ ਪੰਜਾਬੀ ਦਾ ਸ਼ਬਦ ਕੋਸ਼.pdf/13

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ

ਲਹਿੰਦੀ ਪੰਜਾਬੀ 'ਸ਼ਬਦ-ਕੋਸ਼'

ਤਿਆਰ ਕਰਨ ਲਈ ਉਤਸ਼ਾਹਿਤ ਕੀਤਾ ਹੈ। ਉਨ੍ਹਾਂ ਦੀ ਮਿਹਨਤ ਤੇ ਸੁਹਿਰਦਤਾ ਦੀ ਸਭਾ ਕਦਰ ਕਰਦੀ ਹੈ। ਬਾਦਰੀ ਦੇ ਵਡੇਰੇ ਹਿੱਤਾਂ ਵਾਸਤੇ ਇਸ 'ਸ਼ਬਦ-ਕੋਸ਼` ਨੂੰ ਪ੍ਰਕਾਸ਼ਿਤ ਕਰਨ ਅਤੇ ਵੰਡਣ ਦੀ ਸਭਾ ਖੁਸ਼ੀ ਲੈਂਦੀ ਹੈ। ਇਸ ਕਾਰਜ ਵਿਚ ਸਹਾਇਤਾ ਲਈ ਸਭਾ ਸਾਰੇ ਸਹਿਯੋਗੀਆਂ ਦੀ ਧੰਨਵਾਦੀ ਹੈ।

30-6-2019
ਸਮੂਹ ਮੈਂਬਰਾਨ ਤੇ ਕਾਰਜਕਰਤਾ ਅਰੋੜਬੰਸ ਸਭਾ (ਰਜਿ:) ਕੋਟਕਪੂਰਾ
 

ਅਰੋੜਬੰਸ ਸਭਾ ਦਾ ਇਕ ਹੋਰ ਸਾਹਿਤਿਕ ਉਪਰਾਲਾ

ਨਵੀਂ ਪੀੜੀ ਨੂੰ ਆਪਣੀ ਮਾਂ ਬੋਲੀ ਲਹਿੰਦੀ ਪੰਜਾਬੀ ਨਾਲ ਜੋੜਨ ਅਤੇ ਜੋੜ ਕੇ ਰੱਖਣ ਦਾ ਉਪਰਾਲਾ ਬਹੁਤ ਹੀ ਸ਼ਲਾਘਾਯੋਗ ਹੈ। ਮਾਸਟਰ ਹਰਨਾਮ ਸਿੰਘ ਜੀ ਦੀ ਇਸ ਸ਼ਬਦ-ਕੋਸ਼ ਦੀ ਤਿਆਰੀ ਅਤੇ ਅਰੋੜਬੰਸ ਸਭਾ (ਰਜਿ:) ਵੱਲੋਂ ਪ੍ਰਕਾਸ਼ਨਾ ਨਾਲ ਨੇ ਜਿਥੇ ਅਸੀਮ ਖੁਸ਼ੀ ਹੈ ਉਥੇ ਹੀ ਮਾਣ ਵੀ ਹੈ। ਭਾਸ਼ਾ ਦੇ ਖੇਤਰ ਵਿਚ ਲਹਿੰਦੀ ਪੰਜਾਬੀ ਦੇ। ਸ਼ਬਦ ਵਿਸਰਦੇ ਜਾ ਰਹੇ ਹਨ ਅਤੇ ਕਈ ਵਾਰੀ ਅਗਿਆਨਤਾ ਵਿਚ ਇਨਾਂ ਦੇ ਠੀਕ ਅਰਥ ਨਹੀਂ ਕੀਤੇ ਜਾਂਦੇ ਹਨ। ਇਸ ਲਈ ਇਹ ਕੋਸ਼ਿਸ਼ ਲਹਿੰਦੀ ਪੰਜਾਬੀ ਦੇ ਸ਼ਬਦਾਂ ਠੀਕ ਅਰਥਾਂ ਨੂੰ ਜੀਵੰਤ ਕਰਦੀ ਹੈ।
ਅਰੋੜਾ ਪਰਿਵਾਰਾਂ ਦੇ ਅਨੇਕਾਂ ਸ਼ਖਸ ਇਹ ਮਹਿਸੂਸ ਕਰਦੇ ਹਨ ਕਿ ਅਗਲੀ ਪੀੜੀ ਨੂੰ ਆਪਣੀ ਮਾਂ ਬੋਲੀ ਦੇ ਲਹਿੰਦੀ ਪੰਜਾਬੀ ਵਾਲੇ ਰੰਗ ਨਾਲ ਇਕਸੁਰ ਕੀਤਾ ਜਾਵੇ। ਇਸ ਗੱਲ ਨੂੰ ਸ਼ਿਦਤ ਨਾਲ ਮਹਿਸੂਸ ਕੀਤਾ ਜਾ ਰਿਹਾ ਹੈ ਕਿ ਮੌਜੂਦਾ ਪੀੜੀ ਇਸ ਬੋਲੀ ਤੋਂ ਦੂਰ ਹੁੰਦੀ ਜਾ ਰਹੀ ਹੈ। ਜਿਸ ਨਾਲ ਇਸ ਬਾਦਰੀ ਦੇ ਜੀਵਨ ਦੀ ਰਹਿਤਲ ਅਣਗੌਲੀ ਹੋ ਰਹੀ ਹੈ।ਇਸ ਕਿਰਿਆ ਨਾਲ ਬਾਦਰੀ ਦੇ ਵੱਡੀ ਉਮਰ ਦੇ ਲੋਕਾਂ ਨੂੰ ਬੇਹੱਦ ਤਕਲੀਫ ਪਹੁੰਚ ਰਹੀ ਹੈ। ਇਸ ਪਾਸੇ ਉਦਮ ਕਰਨ ਦੀ ਵੱਡੀ ਲੋੜ ਸੀ।
ਅਰੋੜਬੰਸ ਸਭਾ (ਰਜਿ:) ਨੇ ਸੁਹਿਰਦਤਾ ਨਾਲ ਇਸ ਲੋੜ ਦਾ ਨੋਟਿਸ ਲਿਆ ਹੈ। ਅਤੇ ਵੱਡੀ ਪੀੜੀ ਦੇ ਇਸ ਦਰਦ ਪ੍ਰਤੀ ਸੰਵੇਦਨਾ ਹਟ ਕੀਤੀ ਹੈ। ਇਸ ਪ੍ਰਸੰਗ ਵਿਚ ਲਹਿੰਦੀ ਬੋਲੀ ਨੂੰ ਸਜੀਵ ਕਰਨ ਲਈ ਵਿਲੱਖਣ ਸ਼ਬਦਾਂ ਨੂੰ ਇਕੱਤਰ ਕਰਕੇ ਉਨਾਂ ਦੇ ਪ੍ਰਮਾਣਿਕ ਅਰਥ ਦਰਜ ਕਰਨੇ ਜ਼ਰੂਰੀ ਸਨ। ਇੰਨ੍ਹਾਂ ਸ਼ਬਦਾਂ ਅਤੇ ਅਰਥਾਂ ਨੂੰ ਸਹੀ ਰੂਪ ਵਿਚ ਪ੍ਰਗਟ ਕਰਨ ਲਈ ਵਾਕਾਂ ਦੇ ਸੰਦਰਭ ਵਿਚ ਦਰਜ ਕਰਨਾ ਵੀਂ ਲੋੜੀਂਦਾ ਸੀ। ਸ਼ਬਦ-ਕੋਸ਼ ਦੇ ਰਚਨਾਕਾਰ ਮਾਸਟਰ ਹਰਨਾਮ 'ਹਰਲਾਜੋ' ਨੇ ਇਸ ਜ਼ਰੂਰਤ ਦਾ ਧਿਆਨ ਰੱਖਦੇ ਹੋਏ ਕੋਸ਼ ਵਿਚ ਅਰਥਾਂ ਦੇ ਨਾਲ ਵਾਕਾਂ ਵਿਚ ਸ਼ਬਦ ਰੋ ਕੇ ਉਦਮ ਨੂੰ ਸਕਾਰਥ ਕਰ ਦਿੱਤਾ ਹੈ।ਇਸ ਵਡੇਰੇ ਕਾਰਜ ਵਿਚ ਅਰੋੜਬੰਸ ਸਭਾ (ਰਜਿ:) ਦੇ ਸਮੂਹ ਮੈਂਬਰਾਂ ਅਤੇ ਅਹੁਦੇਦਾਰਾਂ ਨੇ ਭਰਪੂਰ ਸਹਿਯੋਗ ਦਿੱਤਾ ਹੈ।ਇਸ ਉਤਮ ਯਤਨ ਲਈ ਸਾਰੇ ਸੱਜਣ ਵਧਾਈ ਦੇ ਹੱਕਦਾਰ ਹਨ। ਅਸੀਂ ਦਿਲੋਂ ਵਧਾਈਆਂ ਪੇਸ਼ ਕਰਦੇ ਹਾਂ।

ਜਗਦੀਸ਼ ਕੁਮਾਰ ਛਾਬੜਾ
ਮਾਸਟਰ ਗੋਪੀ ਚੰਦ ਛਾਬੜਾ
 
ਸੀਨੀਅਰ ਮੀਤ ਪ੍ਰਧਾਨ
ਸਰਪ੍ਰਸਤ,
 
ਅਰੋੜਬੰਸ ਸਭਾ (ਰਜਿ:) ਕੋਟਕਪੂਰਾ
ਅਰੋੜਬੰਸ ਸਭਾ (ਰਜਿ:) ਕੋਟਕਪੂਰਾ
 

30-6-2019

(9)