ਪੰਨਾ:ਵਸੀਅਤ ਨਾਮਾ.pdf/30

ਵਿਕੀਸਰੋਤ ਤੋਂ
Jump to navigation Jump to search
ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ


ਹਰ ਲਾਲ-ਬੰਦ ਰਖਣ ਨਾਲ ਕੀ ਹੋਏਗਾ ? ਮੈਂ ਤੇ ਹੁਣੇ ਵਾਪਸ ਜਾ ਰਿਹਾ ਹਾਂ ।

ਰਾਣੀ-ਹੁਣੇ ਜਾਓਗੇ ? ਐਨੀ ਜਲਦੀ ਵੀ ਕੀ ਹੈ ?

ਹਰ ਲਾਲ-ਮੈਂ ਠਹਿਰ ਨਹੀਂ ਸਕਦਾ।

ਰਾਣੀ-ਨਹੀਂ ਠਹਿਰ ਸਕਦੇ ਤਾਂ ਜਾਓ।

ਹਰ ਲਾਲ-ਅਰ ਵਸੀਅਤ ਨਾਮਾ ?

ਰਾਣੀ-ਮੇਰੇ ਪਾਸ ਹੈ।

ਹਰ ਲਾਲ-ਇਹ ਕੀ ? ਵਸੀਅਤ ਨਾਮਾ ਮੈਨੂੰ ਨਹੀਂ ਦੇਵੇਂਗੀ ?

ਰਾਣੀ-ਉਹ ਤੁਹਾਡੇ ਕੋਲ ਰਿਹਾ ਯਾ ਮੇਰੇ ਕੋਲ, ਇਸ ਵਿਚ ਹਰਜ ਹੀ ਕੀ ਹੈ ?

ਹਰ ਲਾਲ-ਜੇ ਵਸੀਅਤ ਨਾਮਾ ਮੈਨੂੰ ਨਹੀਂ ਦੇਣਾ ਸੀ ਤਾਂ ਫਿਰ ਚੁਰਾ ਕੇ ਹੀ ਕਿਉਂ ਆਂਦਾ ?

ਰਾਣੀ-ਤੁਹਾਡੇ ਲਈ, ਅਤੇ ਤੁਹਾਡੇ ਲਈ ਹੀ ਰਖਿਆ ਹੈ। ਜਦੋਂ ਤੁਸੀ ਵਿਧਵਾ ਵਿਆਹ ਕਰੋਗੇ ਤਾਂ ਤੁਹਾਡੀ ਵਹੁਟੀ ਨੂੰ ਉਹ ਦਵਾਂਗੀ । ਤੁਸੀ ਤੇ ਵਸੀਅਤ ਨਾਮਾ ਲੈ ਕੇ ਪਾੜ ਦਵੋਗੇ ।

ਹਰ ਲਾਲ ਸਮਝ ਗਿਆ । ਉਸ ਨੇ ਕਿਹਾ-ਇਸ ਤਰਾਂ ਨਹੀਂ ਹੋ ਸਕਦਾ, ਰਾਣੀ, ਜਿਨਾ ਰੁਪਇਆ ਕਹੇਂਂ ਮੈਂ ਦੇਣ ਨੂੰ ਤਿਆਰ ਹਾਂ।

ਰਾਣੀ-ਲਖ ਰੁਪਏ ਦੇਣ ਤੇ ਵੀ ਇਹ ਨਹੀਂ ਹੋ ਸਕਦਾ।ਜਿਸਨੂੰ ਦੇਣ ਵਾਸਤੇ ਤੁਸਾਂ ਕਿਹਾ ਸੀ ਮੈਂ ਉਸ ਨੂੰ ਦੇਣਾ ਚਾਹੁੰਦੀ ਹਾਂ।

ਹਰ ਲਾਲ-ਇਹ ਨਹੀਂ ਹੋ ਸਕਦਾ । ਮੈਂ ਜਾਲ ਸਾਜੀ ਕੀਤੀ, ਚੋਰੀ ਕੀਤੀ, ਆਪਣੇ ਹੱਕ ਲਈ। ਤੂੰ ਕਿਸਦੇ ਹੱਕ ਲਈ ਚੋਰੀ ਕੀਤੀ?

ਰਾਣੀ ਦਾ ਮੁੰਹ ਸੁਕ ਗਿਆ। ਉਸ ਨੇ ਸਿਰ , ਨਵਾਂ ਕਰ ਲਿਆ। ਹਰ ਲਾਲ ਕਹਿਣ ਲਗਾ-ਭਾਵੇਂ ਮੈਂ ਕੁਛ ਹਾਂ ਪਰ ਹਾਂ ਕ੍ਰਿਸ਼ਨ ਕਾਂਤ ਰਾਏ ਦਾ ਪੁਤਰ । ਜਿਸ ਨੇ ਚੋਰੀ ਕੀਤੀ ਹੈ ਮੈਂ ਉਸ ਨੂੰ

੨੯