ਪੰਨਾ:ਸ਼ਗਨਾਂ ਦੇ ਗੀਤ - ਸੁਖਦੇਵ ਮਾਦਪੁਰੀ.pdf/35

ਵਿਕੀਸਰੋਤ ਤੋਂ
Jump to navigation Jump to search
ਇਹ ਸਫ਼ਾ ਪ੍ਰਮਾਣਿਤ ਹੈ



ਪੈਲਾਂ ਪੂਲਾਂ ਪਾ ਕੇ
ਮੈਂ ਬੈਠੀ ਮੂਹੜਾ ਡਾਹ ਕੇ
ਵੀਰ ਆਇਆ ਨਹਾ ਕੇ
ਮੈਂ ਰੋਟੀ ਦਿੱਤੀ ਪਾ ਕੇ
ਵੀਰਾ ਖਾਣੀ ਏ ਤੇ ਖਾ
ਨਹੀਂ ਨੌਕਰੀ ਤੇ ਜਾ
ਆਲ ਮਾਲ
ਹੋਇਆ ਬੀਬੀ ਪੂਰਾ ਥਾਲ਼
ਇਸੇ ਪ੍ਰਕਾਰ ਦਾ ਇਕ ਹੋਰ ਥਾਲ਼ ਹੈ:
ਕਿਣ ਮਿਣ ਕਿਣ ਮਿਣ ਅੰਮਾ
ਦੇਸ਼ ਮੇਰਾ ਲੰਮਾ
ਦੇਸੀਂ ਪੀਂਘਾਂ ਪਾਈਆਂ
ਸਈਆਂ ਝੂਟਣ ਆਈਆਂ
ਸਈਆਂ ਦੇ ਗਲ਼ ਮੋਤੀ
ਮੈਂ ਬੜੇ ਦਾਦੇ ਦੀ ਪੋਤੀ
ਮੇਰਾ ਦਾਦਾ ਰਹਿੰਦਾ ਉੱਚਾ
ਮੈਨੂੰ ਚੂੜਾ ਲਿਆਂਦਾ ਸੁੱਚਾ
ਆਲ ਮਾਲ
ਹੋਇਆ ਬੀਬੀ ਪੂਰਾ ਥਾਲ਼
ਕਈ ਕੁੜੀਆਂ ਤਾਂ ਲਗਾਤਾਰ ਖੁੱਦੋ ਬੁੜਕਾਈ ਜਾਂਦੀਆਂ ਹਨ ਤੇ ਨਾਲ਼ੋਂ
ਨਾਲ਼ ਥਾਲ਼ ਪਾਈ ਜਾਂਦੀਆਂ ਹਨ। ਇਕ ਕੁੜੀ ਦੇ ਲਗਾਤਾਰ ਸਠ ਥਾਲ਼ ਪਾਣਦਾ ਜ਼ਿਕਰ ਮਿਲਦਾ ਹੈ:-
ਅੱਠ ਅਠੈਂਗਣ
ਬਾਰਾਂ ਬੈਂਗਣ
ਕੱਦੂ ਪੱਕਣ ਤੋਰੀਆਂ
ਖਟ ਲਿਆਵਾਂ ਬੋਰੀਆਂ
ਬੋਰੀ ਬੋਰੀ ਘਿਓ
ਜੀਵੇ ਰਾਜਾ ਪਿਓ
ਪਿਓ ਪੈਰੀਂ-ਜੁੱਤੀ
ਜੀਵੇ ਕਾਲ਼ੀ ਕੁੱਤੀ
ਕਾਲ਼ੀ ਕੁੱਤੀ ਦੇ ਕਤੂਰੇ
ਮੇਰੇ ਸਭੇ ਥਾਲ਼ ਪੂਰੇ
ਮੇਰਾ ਇਕ ਵੀ ਨਾ ਘੱਟ

37/ ਸ਼ਗਨਾਂ ਦੇ ਗੀਤ