ਪੰਨਾ:ਸ਼ਗਨਾਂ ਦੇ ਗੀਤ - ਸੁਖਦੇਵ ਮਾਦਪੁਰੀ.pdf/40

ਬਾਹਮਣਾ ਤੇਰੀ ਜੋ ਮਰੇ
ਤੋਂ ਮੈਂ ਸੁਟੀ ਨਦੀਆਂ ਦੇ ਪਾਰ ਵੇ

ਉੱਚੇ ਚੜ੍ਹਕੇ ਨ੍ਹਾਂਵਦੀ
ਨੀਵੇਂ ਖੜ੍ਹਕੇ ਰੋਂਵਦੀ
ਨਜ਼ਰ ਆ ਆਵੇ ਬਾਬਲ ਤੇਰਾ ਦੇਸ ਵੇ
ਉੱਚੇ ਲਾਵਾਂ ਕਿੱਕਰਾਂ
ਨੀਵੇਂ ਲਾਵਾਂ ਬੇਰੀਆਂ
ਉੱਚੇ ਚੜ੍ਹਕੇ ਦੇਖਦੀ
ਨਜ਼ਰ ਨਾ ਆਵੇ ਬਾਬਲ ਤੇਰਾ ਦੇਸ ਵੇ

ਖੜੀਓ ਸਕਾਉਂਦੀ ਆਂ ਕੇਸ
ਉਡ ਉਡ ਪੈਂਦਾ
ਨਦੀਆਂ ਦਾ ਰੇਤ
ਨਜ਼ਰ ਨਾ ਆਵੇ ਬਾਬਲ ਤੇਰਾ ਦੇਸ ਵੇ

⁠ਕਈ ਵਾਰ ਸੱਸਾਂ ਨਿੱਕੇ ਨਿੱਕੇ ਨੁਕਸਾਂ ਬਦਲੇ ਅਪਣੀਆਂ ਨੂੰਹਾਂ ਨੂੰ ਗਾਲ਼ੀਆਂ ਦੇ ਕੇ ਛਲਣੀ ਛਲਣੀ ਕਰ ਦੇਂਦੀਆਂ ਹਨ। ਉਹਨਾਂ ਦੇ ਦੁਖ ਸੁਣਨ ਵਾਲ਼ਾ ਵੀ ਕੋਈ ਕੋਲ ਨਹੀਂ:-

ਘਿਓ ਵਿਚ ਮੈਦਾ ਥੋੜ੍ਹਾ ਪਿਆ
ਸੱਸ ਮੈਨੂੰ ਗਾਲ਼ੀਆਂ ਦੇ ਹੋ
ਨਾ ਦੇ ਸੱਸੇ ਗਾਲ਼ੀਆਂ
ਏਥੇ ਮੇਰੇ ਕੌਣ ਸੁਣੇ ਹੋ

ਪਿੱਪਲੀ ਉਹਲੇ ਮੇਰੀ ਮਾਤਾ ਖੜੀ
ਰੋ ਰੋ ਨੈਣ ਪਰੋਵੇ
ਨਾ ਰੋ ਮਾਤਾ ਮੇਰੀਏ
ਧੀਆਂ ਜੰਮੀਆਂ ਦੇ ਦਰਦ ਬੁਰੇ ਹੋ

ਘਿਓ ਵਿਚ ਮੈਦਾ ਥੋੜ੍ਹਾ ਪਿਆ
ਸੱਸ ਮੈਨੂੰ ਗਾਲ਼ੀਆਂ ਦੇ ਹੋ
ਨਾ ਦੇ ਸੱਸੇ ਗਾਲ਼ੀਆਂ
ਏਥੇ ਮੇਰਾ ਕੌਣ ਸੁਣੇ ਹੋ

38/ ਸ਼ਗਨਾਂ ਦੇ ਗੀਤ