ਇਸ ਸਫ਼ੇ ਦੀ ਪਰੂਫ਼ਰੀਡਿੰਗ ਕੀਤੀ ਗਈ ਹੈ
ਭਾਗਣ-ਪਾਂਧਾ ਜੀ, ਜੇ ਏਨੀ ਦਾਤ ਵਾਲੀ ਥਾਂ ਵਿਆਹ ਹੋ ਜਾਵੇ ਤੇ ਹੋਰ ਕੀ ਚਾਹੀਦਾ ਹੈ ?
ਪਾਂਧਾ-ਜਜਮਾਨਣੀ, ਅਜਿਹੇ ਮੰਤਰ ਪੜਾਂਗੇ ਜੋ ਏਨੀ ਦਾਤ ਵਾਲਾ ਤਰਲੇ ਕਰੇਗਾ। ਪਰ ਪਹਿਲੋਂ ਹੁਣ ਭੋਜਨ ਤਾਂ ਖੁਆਓ, ਖੁਦਿਆ ਬੜੀ ਲਗੀ ਹੈ।
ਭਾਗਣ-ਆਓ ਜੀ !
(ਪਾਂਧਾ ਜਾਕੇ ਖੀਰ ਪੂੜੇ ਖਾਂਦਾ ਹੈ)
ਪਾਂਧਾ-ਪਾਠ ਕਲ ਤੋਂ ਈ ਪ੍ਰਾਰਾਰੰਭ ਕਰ ਦੇਈਏ, ਜੋ ਛੇਤੀ ਧੀ ਵਾਲੇ ਨੂੰ ਖਿਚ ਪਹੁੰਚੇ ਤੇ ਕਾਰਜ ਕਰੇ ।
ਭਾਗਣ-ਹਾਂ ਜੀ ਹਾਂ; ਕਲ ਕਿਸ ਵੇਲੇ ਆਓ ਗੇ ?
ਪਾਂਧਾ-ਪ੍ਰਾਤਾਕਾਲ, ਆਕੇ ਦੁਧ ਦੀ ਯਾ ਦਹੀਂ ਦੀ ਲੱਸੀ, ਫੇਰ ਪਾਠ, ਫੇਰ ਮਾਹਲ-ਪੂੜੇ ਤੇ ਖੀਰ ਦਾ ਭੋਜਨ; ਏਹ ਯਾਰਾਂ ਦਿਨ ਕਰੂੰ।
ਭਾਗਣ-ਚੰਗਾ ਜੀ !
ਪਾਂਧਾ-ਜਜਮਾਨਣੀ, ਫੇਰ ਸਾਕ ਤੇ ਸਾਕ ਲੈ, ਜੇਹੜਾ ਚੰਗੀ ਦਾਤ ਦੇਣ ਵਾਲਾ ਹੋਵੇ ਉਥੇ ਕਰ ਲਵੀਂ।
ਭਾਗਣ-ਸਤਿ ਬਚਨ !
ਪਾਂਧਾ-ਪਰ ਸਭ ਤੋਂ ਮਾਲ ਵਧ ਦੇਣ ਵਾਲੇ ਤਾਂ ਬਲਿਸਟਰ ਹੋਰੀਂ ਨੇ।
੪੨.
