ਇਹ ਸਫ਼ਾ ਪ੍ਰਮਾਣਿਤ ਹੈ
765
ਭੈਣਾਂ ਰੋਂਦੀਆਂ ਨੂੰ ਵੀਰ ਬਰਾਉਂਦੇ
ਸਿਰ ਪਰ ਹੱਥ ਧਰ ਕੇ
766
ਸਰਵਣ ਵੀਰ ਬਿਨਾਂ
ਮੇਰੀ ਗੱਠੜੀ ਬਣਾਂ ਵਿਚ ਰੁਲ਼ਦੀ
767
ਘਰ ਦੇ ਵੀਰ ਬਿਨਾਂ
ਮੇਰੀ ਗੱਠੜੀ ਦਰਾਂ ਵਿਚ ਰੁਲ਼ਦੀ
768
ਚਾਚੇ ਤਾਏ ਮਤਲਬ ਦੇ
ਛੱਕਾਂ ਪੂਰਦੇ ਅੰਮਾਂ ਦੇ ਜਾਏ
769
ਚਾਚੇ ਤਾਏ ਕੋਲ਼ ਦੀ ਲੰਘ ਗੇ
ਵੀਰ ਨਦੀਆਂ ਚੀਰਦੇ ਆਏ
770
ਕੰਨੀਂ ਨੱਤੀਆਂ ਸ਼ਰਬਤੀਆਂ ਅੱਖੀਆਂ
ਓਹ ਵੀਰ ਮੇਰਾ ਕੁੜੀਓ
771
ਇਕ ਵੀਰ ਬੇਲ ਦਾ ਲੰਬਾ
ਦੂਜੀ ਪੱਗ ਛੱਤਣਾਂ ਨੂੰ ਜਾਵੇ
772
ਜਿਥੇ ਮੇਰਾ ਵੀਰ ਲੰਘਿਆ
ਕੌੜੀ ਨਿੰਮ ਨੂੰ ਪਤਾਸੇ ਲੱਗਦੇ
773
ਵੀਰ ਲੰਘਿਆ ਪਜਾਮੇ ਵਾਲ਼ਾ
ਲੋਕਾਂ ਭਾਣੇ ਠਾਣਾ ਲੰਘਿਆ
774
ਫੌਜਾਂ ਵਿਚ ਵੀਰ ਸਿਆਣਾ
ਕੰਨੀਂ ਨੱਤੀਆਂ ਸ਼ਰਬਤੀ ਅੱਖੀਆਂ
775
ਗਾਲ੍ਹਾਂ ਕੱਢੀਆਂ ਗਲ਼ੀ ਵਿਚ ਖੜ ਕੇ
ਮਾਣ ਭਰਾਵਾਂ ਦੇ
108 :: ਗਾਉਂਦਾ ਪੰਜਾਬ