ਇਹ ਸਫ਼ਾ ਪ੍ਰਮਾਣਿਤ ਹੈ
787
ਲੰਮੀ ਵੀਹੀ ਤੇ ਉੱਚਾ ਘਰ ਮੇਰਾ
ਦੁੱਧ ਪੀ ਕੇ ਜਾਈਂ ਵੀਰਨਾ
788
ਛੁੱਟੀ ਲੈ ਕੇ ਆ ਜਾ ਵੀਰਨਾ
ਤੇਰੀ ਫ਼ੌਜ ਨੂੰ ਕਰੂੰਗੀ ਰੋਟੀ
789
ਚਿੱਟੇ ਚੌਲ਼ ਲੱਡੂਆਂ ਦੀ ਥਾਲ਼ੀ
ਵੀਰਨ ਆਉਂਦੇ ਨੂੰ
790
ਬਹੁਤੀ ਵੇ ਜਗੀਰ ਵਾਲ਼ਿਆ
ਭੈਣਾਂ ਚੱਲੀਆਂ ਸੰਦੂਖੋਂ ਖ਼ਾਲੀ
791
ਗੱਡੀ ਜਾਂਦੀ ਐ ਸੰਦੂਖੋਂ ਖ਼ਾਲੀ
ਬਹੁਤਿਆਂ ਭਰਾਵਾਂ ਵਾਲ਼ੀਏ
792
ਭੈਣ ਤੁਰਗੀ ਸੰਦੂਕੋਂ ਖ਼ਾਲੀ
ਚੱਟਣਾ ਮੁਰੱਬਿਆਂ ਨੂੰ
793
ਸੁਹਣੇ ਵੀਰਾ ਸੰਦੂਕ ਬਣਾ
ਬਾਬਲੇ ਨੇ ਪਾਸਾ ਵੱਟਿਆ
794
ਮੇਰਾ ਆਰਸੀ ਤੋਂ ਹੱਥ ਖ਼ਾਲੀ
ਵੀਰਾ ਵੇ ਮੁਰੱਬੇ ਵਾਲ਼ਿਆ
795
ਭੈਣ ਤੁਰ ਗਈ ਸੰਦੂਕੋਂ ਖ਼ਾਲੀ
ਵੀਰਾ ਵੇ ਮੁਰੱਬੇ ਵਾਲਿਆ
796
ਵੀਰਨ ਧਰਮੀ ਨੇ
ਗੱਡੀ ਮੋੜ ਕੇ ਲਦਾ ਤੀ ਪੇਟੀ
797
ਆ ਲੈ ਵੀਰਾ ਫੜ ਕੁੰਜੀਆਂ
ਭੈਣਾਂ ਛੱਡ ਚੱਲੀਆਂ ਮੁਖਤਿਆਰੀ
110 :: ਗਾਉਂਦਾ ਪੰਜਾਬ