ਇਹ ਸਫ਼ਾ ਪ੍ਰਮਾਣਿਤ ਹੈ
798
ਮੇਰੇ ਵੀਰ ਨੇ ਸੰਧਾਰੇ ਵਿਚ ਭੇਜੀ
ਕੱਤਣੀ ਚਾਂਦੀ ਦੀ
799
ਕਿਹੜੀ ਗੱਲ ਤੋਂ ਸੰਧਾਰਾ ਬੰਦ ਕੀਤਾ
ਖਾਕੀ ਸਾਫ਼ੇ ਵਾਲ਼ਿਆ ਵੀਰਨਾ
800
ਕੱਚੇ ਆਟੇ ਦੀ ਲੋੜ ਨਾ ਕੋਈ
ਭਾਬੋ ਦੀਆਂ ਮੰਨ ਵੀਰਨਾ
801
ਗੱਡੀ ਜੋੜ ਕੇ ਮੰਗਾ ਲੀਂ ਮੇਰੇ ਵੀਰਨਾ
ਕਰੂਆਂ ਦੇ ਵਰਤਾਂ ਨੂੰ
802
ਕਾਹਨੂੰ ਆਇਐਂ ਬੇਸ਼ਰਮਾ ਵੀਰਾ
ਕਰੂਆਂ ਦੇ ਵਰਤ ਗਏ
803
ਬਹੁਤਿਆਂ ਭਰਾਵਾਂ ਵਾਲ਼ੀਏ
ਤੈਨੂੰ ਲੈਣ ਨਾ ਤੀਆਂ ਨੂੰ ਆਏ
804
ਸੱਸੀਏ ਬੜੇਵੇਂ ਅੱਖੀਏ
ਤੈਥੋਂ ਡਰਦੇ ਲੈਣ ਨਾ ਆਏ
805
ਚਿੱਠੀ ਪਾਈਂ ਵੇ ਮਾਂ ਦਿਆ ਜਾਇਆ
ਭੈਣ ਪ੍ਰਦੇਸਣ ਨੂੰ
806
ਚਿੱਠੀ ਪਾਉਣ ਨਾ ਦੇਵੇ ਭਾਬੋ ਤੇਰੀ
ਕਾਗ਼ਜ਼ਾਂ ਦਾ ਮੁੱਲ ਮੰਗਦੀ
807
ਚਿੱਠੀ ਪਾਈਂ ਅੰਮਾਂ ਦਿਆ ਜਾਇਆ
ਕਾਗ਼ਜ਼ਾਂ ਦਾ ਮੁੱਲ ਘਲ ਦੂੰ
808
ਚੂਰੀ ਕੁੱਟ ਕੇ ਰੁਮਾਲ ਲੜ ਬੰਨ੍ਹ ਲੈ
ਸਹੁਰੇ ਮੇਰੇ ਦੂਰ ਵੀਰਨਾ
ਗਾਉਂਦਾ ਪੰਜਾਬ :: 111